გიორგი ნაზარიშვილი

დაბადების ადგილი: ქ. ბათუმი.

დაამთავრა მოსკოვის უნივერსიტეტის სამედიცინო ფაკულტეტი 1916 წელს.

1923-1936წწ. მივლინებული იყო გერმანიაში. უცხოეთში კიდევ უფრო ფართო განათლება მიიღო მედიცინის მიმართულებით, განსაკუთრებით, დახელოვნდა რენტგენოლოგიაში. საქართველოში დაბრუნების შემდეგ, 1935-1938წწ.  განაგებდა თბილისის სახელმწიფო სამედიცინო ინსტიტუტის რენტგენოლოგიის კათედრას; 1938-1958წწ. ეს თანამდებობა ეკავა თბილისის ექიმთა დახელოვნების ინსტიტუტში. 1958-1972წწ. იყო საქართველოს ჯანდაცვის სამინისტროს რენტგენოლოგიისა და სამედიცინო რადიოლოგიის სამეცნიერო კვლევითი ინსტიტუტის დირექტორი. პრაქტიკული საქმიანობის პარალელურად სამეცნიერო მუშაობასაც ეწეოდა: 1949 წელს დაიცვა დისერტაცია, მიენიჭა მედიცინის მეცნიერებათა დოქტორის ხარისხი. 1951 წლიდან მუშაობდა პროფესორად უმაღლეს სასწავლებელში. იგი ძირითადად შეისწავლიდა რენტგენო-რადიოიზოტოპური დიაგნოსტიკის საკითხებს, ახალშობილთა ძვლის თანდაყოლილ ათაშანგს, საშვილოსნოს ფიბრომის სხივურ მკურნალობას და სხვ. რენტგენოლოგი.

წყარო: ქართველი კათოლიკე ექიმები, ნაწ.1. -თბ., 2024. -გვ. 202-204

• საქართველოს რენტგენოლოგთა სამეცნიერო საზოგადოება, თავმჯდომარე

• საპატიო ნიშნის ორდენი
• ლენინის ორდენი
  მრავალწლიანი ნაყოფიერი საზოგადოებრივი მოღვაწეობისა და სამედიცინო მიმართულებით განსაკუთრებული დამსახურებისათვის