ნუგზარ სოხაძე

დაბადების ადგილი: ქ. სოხუმი.

დაამთავრა სოხუმის სუბტროპიკული მეურნეობის ინსტიტუტის ტექნოლოგიური ფაუკლტეტი 1982 წელს.

მუშაობდა ზუგდიდის ჩაის გადამწონ ფაბრიკაში ტექნოლოგად. 1988 წლიდან მსახურობდა სოხუმის საქალაქო საბჭოში მთავარ ინჟინრად. 1992 წლის 14 აგვისტოს, აფხაზეთში მიმდინარე საომარი მოქმედებების დროს დანიშნეს რესპუბლიკის თავდაცვის სამინისტროს 23-ე მექანიზებული ბრიგადის ცალკეული ტანკსაწინააღმდეგო დივიზიონის მეორე ოცეულის მეუთაურად. ჯერ ტამიშთან იბრძოდა, 1993 წლის 15-17 მარტს კი გუმისთაზე. აქტიურად მონაწილეობდა  ტანკსაწინააღმდეგო დივიზიონის მიერ განხორციელებულ საბრძოლო მოქმედებებში. 1992 წლის 23 დეკემბერს სამშობლოსა და ერის წინაშე თავდადებისთვის საქართველოს სახელმწიფო მეთაურისგან მადლობის წერილი მიიღო. დაიღუპა 1993  წლის 18 სექტემბერს სოხუმში ერთ-ერთი საბრძოლო მოქმედების დროს. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.382-383

• მედალი "საბრძოლო დამსახურებისთვის" (გარდაცვალების შემდეგ)