ოთარ არობელიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტი 1955 წელს; მოსკოვის სკკპ ცკ–სთან არსებული უმაღლესი პარტიული სკოლის პრესის, რადიოსა და ტელევიზიის განყოფილება, ეკონომიკის განხრით 1964 წელს.

მუშაობდა საქდესის რესპუბლიკური ინფორმაციის რედაქტორად; შემდეგ გაზ, "კომუნისტის" რედაქციაში, სადაც ჯერ ილუსტრაციის, შემდეგ კი მრეწველობისა და ტრანსპორტის განყოფილების გამგედ; მუშაობა კვლავ გაზეთ, "კომუნისტის" რედაქციაში განაგრძო; 1969-1977წწ. გადაიყვანეს საკავშირო გაზეთ "სოციალისტიჩესკაია ინდუსტრიას" საკუთარ კორესპონდენტად, ამიერკავკასიის სამ რესპუბლიკაში; შემდეგ იყო გაზეთების: "კომუნისტის" მრეწველობისა და ტრანსპორტის, "სოფლის ცხოვრების" პარტიული განყოფილების გამგე; აქვე დააწინაურეს ჯერ მთავარი რედაქტორის პირველ მოადგილედ, შემდეგ მთავარ რედაქტორად. მალე გაზეთ "საქმის" მთავარი რედაქტორის მოადგილე გახდა. 1992 წელს დააარსა და რედაქტორობდა გაზეთ,"ახალ ეკონომიკას". 1994-1996წწ. იყო საქართველოს რესპუბლიკის მრეწველობის სამინისტროს პრესცენტრის უფროსი; შემდეგ მუშაობდა გაზეთების: "რეზონანსისა" და "თბილისის ფოსტის" მთარგმნელად; ნარკვევისათვის "სტუმრად მიხეილ შოლოხოვთან" მიანიჭეს ყოფილი საბჭოთა კავშირის ჟურნალისტთა კავშირის პრემია; 1978 წელს სსრკ კვების მრეწველობის სამინისტროს კოლეგიის გადაწყვეტილებით, დაჯილდოვდა მედლით "სოციალისტური შეჯიბრების წარჩინებული", საბჭოთა კავშირის ჟურნალისტთა კავშირის პრემია. რედაქტორი, ეკონომიკურ-ჰუმანიტარული ინსტიტუტის ჟურნალისტიკის ფაკულტეტის დოცენტი.

წყარო: ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.82

• საქართველოს ჟურნალისტთა კავშირი, წევრი (1959-)
• საქველმოქმედო საზოგადოება "თბილისელი" , წევრი

• 1998 - ღირსების ორდენი
• 1981 - საქართველოს დამსახურებული ჟურნალისტი
  პრესაში ხანგრძლივი და ნაყოფიერი მუშაობისთვის