ზვიად ტოგონიძე

სამხედრო სავალდებულო სამსახურის მოხდის შემდეგ "მხედრიონში"ჩაირიცხა. იყო 24-ე ბრიგადის ბატალიონის ოცმეთაური. აფხაზეთში მიმდინარე საომარი მოქმედებების დროს იბრძოდა სოფელ ლაბრაში. საერთოდ, ოჩამჩირეში იგი 1992 წლის სექტემბრიდან იბრძოდა. ერთ-ერთი შეტაკების დროს ორივე ფეხში მძიმედ დაიჭრა, გამოჯამრთელების შემდეგ დაინიშნა პურის ქარხნის კომენდანტად. დაიღუპა 1993 წლის 11 აპრილს ობიექტის დაცვის დროს. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.392-394

• 1993 - ვახტანგ გორგასლის II ხარისხის ორდენი (გარდაცვალების შემდეგ)