მაია გვრიტიშვილი

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1978 წელს; უნივერსიტეტის მეორადი ფაკულტეტი კინომცოდნეობის სპეციალობით.

მუშაობდა საქართველოს რადიოს ახალგაზრდული პროგრამების რედაქციაში, 1979 წელს მიიღეს რედაქტორად. იგი ამზადებდა რადიოპროგრამებს: "სიჭაბუკე", "სამშობლო განა მარტო ლამაზი მთებია!", "მივლინებით საშეფო მშენებლობებზე" და სხვა. 1981 წლიდან გადაიყვანეს პარტიულ სამუშაოზე (სამი წელი იყო ტელევიზიის კომკავშირის კომიტეტის მდივანი); 1985-1992წწ. დანიშნეს რადიოს ახალგაზრდული პროგრამების მთავარ რედაქტორად; 1995 წლიდან მუშაობდა პროფესიონალთა გუნდთან ერთად გაზეთში "სამშობლო ფორტე"; 1997 წლიდან სამედიცინო გადაცემების სახით საქართველოს რადიოს ეთერში სხვადასხვა დროს გადიოდა მისი: "არეალი", "ციტო", "ექიმი გვირჩევს", "იცოცხლეთ, ბატონო", "ოჯახის ექიმი", "სოციალური საათი მრგვალ მაგიდასთან".

წყარო: ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.92

• საქართველოს ჟურნალისტთა ფედერაცია, წევრი