ირმა ტოგონიძე

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის იურიდიული ფაკულტეტი 1995 წელს და მიენიჭა იურისტის კვალიფიკაცია; 2003 წელს ჩააბარა ადვოკატის საკვალიფიკაციო გამოცდა სამოქალაქო / ადმინისტრაციული სამართლის სპეციალობით; 2004 წელს ჩააბარა ადვოკატის საკვალიფიკაციო გამოცდა სისხლის სამართლის სპეციალობით; 2005 წელს ჩააბარა მოსამართლის საკვალიფიკაციო გამოცდა სისხლის სამართლის სპეციალიზაციით; 2013 წელს ჩააბარა ნოტარიუსთა საკვალიფიკაციო გამოცდა; 2016-2017წწ. იყო იუსტიციის უმაღლესი სკოლის მსმენელი.

1996-2007წწ. მუშაობდა სახელმწიფო მართვის ქუთაისის სამმართველოში სხვადასხვა პოზიციებზე: უფროსი სპეციალისტი, იურიდიული განყოფილების უფროსი, სამმართველოს უფროსის მოადგილე და იურიდიული სამმართველოს უფროსი; 2007-2011წწ. მუშაობდა შემოსავლების სამსახურის ქუთაისის რეგიონულ ცენტრში, შემოსავლების სამსახურის აუდიტის დეპარტამენტში სხვადასხვა პოზიციებზე: იურიდიულ საკითხთა სამმართველოს მთავარი სპეციალისტი, იურიდიული სამმართველოს უფროსის მოადგილე, იძულებითი ღონისძიების სამმართველოს უფროსი და აუდიტის დეპარტამენტის მთავარი სპეციალისტი; 2011-2016წწ. - შპს "ქუთაისის საეკლესიო საავადმყოფოს" დირექტორის მოადგილე საფინანსო და იურიდიულ საკითხებში; 2013-2018წწ. - შპს "ო. ჩხობაძის სახელობის ინვალიდთა და ხანდაზმულთა სამკურნალო-სარეაბილიტაციო ცენტრის" იურისტი; 2014-2018წწ. - იურისტი საერთო სპეციალიზაციით საქართველოს ადვოკატთა ასოციაციაში; 2018 წლის იანვრიდან - ბათუმის საქალაქო სასამართლოს სამოქალაქო საქმეთა კოლეგიის მოსამართლე. 2020 დეკემბრიდან თანამდებობაზე გამწესებულია უვადოდ, კანონით დადგენილი ასაკის მიღწევამდე.

წყარო: საქართველოს იუსტიციის უმაღლესი საბჭო: hcoj.gov.ge