დარინა აბულაძე

დაამთავრა ბათუმის შოთა რუსთაველის სახელობის სახელმწიფო უნივერსიტეტის იურიდიული ფაკულტეტი სამართალმცოდნეობის სპეციალობით 2004 წელს და მიენიჭა იურისტის კვალიფიკაცია; 2001-2002წწ. გაიარა გადამზადების კურსები საქართველოს შრომისა და წარმოების ორგანიზაციის სამეცნიერო ინსტიტუტის ბათუმის ფაკულტეტზე, პროფილით მცირე ბიზნესი, პერსონალური კომპიუტერის ოპერატორი; 2005 წელს ჩააბარა საქართველოს საარჩევნო ადმინისტრაციის მოხელის გამოცდა; 2006 წელს ჩააბარა ადვოკატთა საკვალიფიკაციო გამოცდა სამოქალაქო სამართლის სპეციალიზაციით; 2013 წელს ჩააბარა მოსამართლეობის საკვალიფიკაციო გამოცდა სამოქალაქო და ადმინისტრაციული სამართლის სპეციალიზაციაში; 2016-2017 წლებში იყო სსიპ იუსტიციის უმაღლესი სკოლის მსმენელი.

2000-2005წწ. - ქ. ბათუმის შინაგან საქმეთა სამმართველოს კანცელარიის საქმისმწარმოებელი; 2005-2010წწ. - ბათუმის საქალაქო სასამართლოს სხდომის მდივანი; 2010-2018წწ. - ბათუმის საქალაქო სასამართლოს აპარატის საკადრო და საორგანიზაციო საკითხთა განყოფილების მოსამართლის თანაშემწე; 2018 წლის იანვრიდან - ქუთაისის საქალაქო სასამართლოს სამოქალაქო საქმეთა კოლეგიის მოსამართლე. 2020 წლის დეკემბრიდან თანამდებობაზე გამწესებულია უვადოდ, კანონით დადგენილი ასაკის მიღწევამდე.

წყარო: საქართველოს იუსტიციის უმაღლესი საბჭო: hcoj.gov.ge