არარატ ესოიანი

დაბადების ადგილი: ქ. ახალქალაქი.

დაამთავრა მოსკოვის ჰიდრომელიორაციული ინსტიტუტი, ინჟინერ ჰიდროტექნიკის სპეციალობით 1989 წელს; 2000 წელს დაამთავრა თბილსის ეკონომიურ-პედაგოგიური უნივერსიტეტის იურიდიული ფაკულტეტი იურისტ-სამართალმცოდნის სპეციალობით და მიენიჭა იურისტის კვალიფიკაცია. გავლილი აქვს სხვადასხვა, მათ შორის, სამოსამართლეო სემინარები და ტრენინგები.

1989-1991წწ. - ახალქალაქის რაიონთაშორისო სამშენებლო გაერთიანებაში (სამშენებლოს ტრესტი) საპროექტო ტექნიკური განყოფილების ინჟინერი, ტექნიკური უსაფრთხოების სამსახურის უფროსი; 1990 წელს მიიღო სახალხო სამეურნეო მმართველი სპეციალისტის კვალიფიკაცია თბილისის სახალხო სამეურნეო მართვის ინსტიტუტში; 1991-1992წწ. - ახალქალაქის რაიონის კომერციული საწარმოების რეგისტრაციის კომისიის სპეციალისტი; 1992-1997წწ. - სახელმწიფო ქონების მართვის სამინისტროს რაიონულ განყოფილებაში მთავარი სპეციალისტი; 1997-2000წწ. - ახალქალაქის წყალკანალის უფროსი; 1997 წელს დააფუძნა და ხელმძღვანელობდა ახალქალაქის კავშირი რეფორმებისა და დემოკრატიის განვითარების ხელშეწყობის ცენტრს, ამჟამად არაკომერციული იურიდიული პირი, მისი ხელმძღვანელობით განხორციელებულია ათზე მეტი პროექტი, მათ შორის ანტიკორუფციული და იურიდიული; 2000 წელს დააფუძნა იურიდიული კონსულტაციის ცენტრი; 2002-2004წწ. - ადვოკატი, საქართველოს ადვოკატთა ეროვნული ასოციაციის ახალქალაქის ბიუროს ხელმძღვანელი; 2004-2005წწ. - "დემოკრატ მესხთა კავშირის" იურისტი; 2006-2016წწ. - ახალქალაქის რაიონული სასამართლოს მოსამართლე; 2007 წლიდან დაკისრებული ჰქონდა ამავე სასამართლოს თავმჯდომარის უფლებამოსილება; 2017 წლის მაისიდან - ახალქალაქის რაიონული სასამართლის მოსამართლე; 2019 წლის თანამდებობაზე გამწესებულია უვადოდ, კანონით დადგენილი ასაკის მიღწევამდე; 2022 წლის ივლისიდან - ახალქალაქის რაიონული სასამართლოს თავმჯდომარე 5 წლის ვადით.

წყარო: საქართველოს იუსტიციის უმაღლესი საბჭო: hcoj.gov.ge