ლევან დარბაიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის იურიდიული ფაკულტეტი სამართალმცოდნეობის სპეციალობით 2001 წელს და მიენიჭა იურისტის კვალიფიკაცია; თბილისის სახელმწიფო უნივერსიტეტის იურიდიული ფაკულტეტის ასპირანტურა 2005 წელს; თბილისის სახელმწიფო უნივერსიტეტის იურიდიული ფაკულტეტის დოქტურანტურა 2009 წელს; 2002 წელს ჩააბარა პროკურატურის მუშაკთა საკვალიფიკაციო გამოცდა; 2002 წლის 13-20 დეკემბერს მონაწილეობა მიიღო ევროპის საბჭოს მიერ ორგანიზებულ რეგიონალურ სემინარში, ქ. სტრასბურგში თემაზე "ევროპის საბჭოს კონვენციები სისხლის სამართლის სფეროში ურთიერთთანამშრომლობის შესახებ"; 2008 წელს ჩააბარა მოსამართლის საკვალიფიკაციო გამოცდა; 2010 წლის 11-31 მაისს გაიარა ტრენინგი თემაზე "საჯარო პოლიტიკის საკითხები" ჩინეთის სახალხო რესპუბლიკაში, პეკინის უნივერსიტეტში; 2012 წლის თებერვალში გაიარა ტრენინგი თემაზე "საჯარო სამსახურებში სტრატეგიული პოლიტიკის შემუშავებისა და წარმართვის ტექნიკა" ქ. ტალინში, ესტონეთის დიპლომატიურ სკოლაში; 2012-2013წწ. იყო საქართველოს იუსტიციის უმაღლესი სკოლის მსმენელი; 2013 წლის 13-20 ოქტომბერს გაიარა სტაჟირება გერმანიის ფედერაციულ რესპუბლიკაში, ჰამბურგის უმაღლესი სამხარეო და რაიონულ სასამართლოებშო სისხლის, სამოქალაო და ადმინისტრაციულ საქმეთა განხილვისა და გადაწყვეტის საკითხებზე; 2006 წელს საქართველოს გენერალური პროკურორის ბრძანებით, ვადამდე მიენიჭა პირველი კლასის იურისტის სახელმწიფო სპეციალური წოდება; 2009 წელს დაიცვა სადოქტორო დისერტაცია საჯარო სამართლის მიმართულებით და მიენიჭა სამართლის დოქტორის აკადემიური ხარისხი.

1999-2001წწ. - თბილისის პროკურატურის საგამოძიებო ნაწილის განსაკუთრებით მნიშვნელოვან საქმეთა უფროსი გამომძიებლის თანაშემწეე საზოგადოებრივ საწყისებზე; 2001-2006წწ. - საქართველოს გენერალურ პროკურატურაში სხვადასხვა თანამდებობებზე: საერთაშორისო ურთიერთობების სამმართველოს სტაჟიორ-პროკურორი, სამართლებრივი უზრუნველყოფის დეპარტამენტის საერთაშორისო ურთიერთობების სამმართველოს პროკურორი, ამავე სამმართველოს უფროსი პროკურორი; 2006-2012წწ. - საქართველოს იუსტიციის სამინისტროს სამოქალაქო რეესტრის სააგენტოს შიდა კონტროლის სამსახურის მთავარი სპეციალისტი და შემდეგ უფროსი; 2014 წლის იანვრიდან 2014 მაისამდე - თბილისის საქალაქო სასამართლოს სისხლის სამართლის საქმეთა კოლეგიის მოსამართლის თანაშემწე; 2014-2016წწ. - ოზურგეთის რაიონული სასამართლოს მაგისტრატი მოსამართლე ჩოხატაურის მუნიციპალიტეტში; 2016 წლის თებერვლიდან - გორის რაიონული სასამართლოს მოსამართლე. 2017 წლის მაისიდან თანამდებობაზე გამწესებულია უვადოდ, კანონით დადგენილი ასაკის მიღწევამდე. არის ერთი მონოგრაფიის (წიგნის) და ათამდე სამეცნიერო სტატიის ავტორი.

წყარო: საქართველოს იუსტიციის უმაღლესი საბჭო: hcoj.gov.ge

• 2011 - ღირსების ორდენი

• სამართლისა და პოლიტიკური აზროვნების ისტორიის ნარკვევები : კრებული (თანაავტორი) // წიგნი 5 . - თბილისი, მერიდიანი, 2024. - 1270გვ.. - ISBN: 9789941346484
• მე-2 საერთაშორისო კონფერენცია ბავშვის უფლებების საკითხების ჩართვა საუნივერსიტეტო საგანმანათლებლო პროგრამებსა და კურიკულუმებში = 2nd International Conference on Incorporation of Child Rights into the Educational Programmes and Curricula of Universities : თეზისების კრებული (თანაავტორი). - თბილისი, 2021. - 106გვ.
• ადამიანის ძირითადი უფლებები და თავისუფლებები : საქართველოს კანონმდებლობა და სასამართლო პრაქტიკა (თანაავტორი). - თბილისი, სამშობლო, 2019. - 360გვ.. - ISBN: 9789941964176
• ალექსანდრე ამილახვრის სამართლებრივი შეხედულებები (ავტორი). - თბილისი, მერიდიანი, 2010. - 232გვ. . - ISBN: 9789941102905