დავით ჩიტაია

დაბადების ადგილი: ქ. სოხუმი.

დაამთავრა აფხაზეთის სახელმწიფო უნივერსიტეტის ისტორია-იურიდიული ფაკულტეტის ისტორიის სპეციალობა 1984 წელს.

30 წელზე მეტია ეწევა პედაგოგიურ და სამეცნიერო მოღვაწეობას უმაღლეს სასწავლებლებში, როგორც სახელმწიფო ასევე კერძო უნივერსიტეტებში; სხვადასხვა წლებში იყო თბილისის სახელმწიფო უნივერსიტეტის ქვემო ქართლის ფილიალის საქართველოს ისტორიის კათედრის გამგე, სოხუმის უნივერსიტეტის ჰუმანიტარულ და სოციალურ-პოლიტიკური მეცნიერებათა ფაკულტეტის დეკანი, დ. გურამიშვილის საერთაშორისო სასწავლო უნივერსიტეტ "იბერიის" რექტორი, თბილისის საერთაშორისო აკადემიის საერთაშორისო ურთიერთობათა დეპარტამენტის ხელმძღვანელი; არჩეული იყო თბილისის სახელმწიფო უნივერსიტეტის სოხუმის ფილიალის, საქართველოს ტექნიკური უნივერსიტეტის, საერთაშორისო უნივერსიტეტ "იბერიის", თბილისის საერთაშორისო აკადემიის პროფესორად; მისი სამეცნიერო კვლევების სფეროა საქართველოს ახალი და უახლესი ისტორია, კონფლიქტების ისტორია, ანთროპოლოგია, ეთნიკური ნაციონალიზმი, სეპარატიზმი და ეთნიკური კონფლიქტები, ქართულ-აფხაზური პოლიტიკური ურთიერთობების ისტორია; გამოქვეყნებული აქვს 60-ზე მეტი სამეცნიერო ნაშრომი, მათ შორის სამეცნიერო სტატიები და ბროშურები, პუბლიცისტური წერილები, ორი მონოგრაფია, ერთი სახელმძღვანელო (თანაავტორობით); არის ათეულობით სადიპლომო, საბაკალავრო, სამაგისტრო და სადოქტორო ნაშრომის მეცნიერ-ხელმძღვანელი, ასევე, სამეცნიერო ჟურნალებისა და კრებულების რედაქტორი და სარედაქციო საბჭოს წევრი; არაერთგზის საერთაშორისო სამეცნიერო კონფერენციების მონაწილე: უკრაინა-კიევი, ინგლისი-ლონდონი, იტალია-არეცო, პერუჯა. ისტორიის დოქტორი (2001).

• ქართულ-აფხაზური პოლიტიკური ურთიერთობები საქართველოს პირველ რესპუბლიკაში (ავტორი). - თბილისი, პოლიგრაფიული ცენტრი "ბარტონი", 2024. - 512გვ.. - ISBN: 9789941976988
• უკრაინის მართლმადიდებელი ეკლესია X-XIX სს. : სახელმძღვანელო (ავტორი). - თბილისი, მერიდიანი, 2009. - 176გვ.. - ISBN: 9789941101519
• აფხაზეთის საკითხი საქართველოს პირველ რესპუბლიკაში : აფხაზეთის სახალხო საბჭო 1917-1921 წლებში (ავტორი). - თბილისი, პოლიგრაფიული ცენტრი "ბარტონი", 2006. - 648გვ.