ნარო კოლხელი

დაბადების ადგილი: ქ. ოჩამჩირე.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი.

იგი არის გინესის რეკორდსმენი მოთხრობებისა და რომანების სწრაფად წერაში. 1990 წელს საქართველოს მწერალთა და ჟურნალისტთა კავშირების ეგიდით საგანგებო ჟიურის მიერ მოცემულ თანამედროვე თემებზე 5 დღეში დაწერა 10 მოთხრობა; 1997 წელს ქ. ბათუმში სრულიად საქართველოს აღორძინების კავშირის თანადგომით, ასევე მოცემულ თემაზე "მეზღვაური და შავი პატარძალი" 36 საათსა და 25 წუთში (დასვენების გარეშე) დაწერა 123 გვერდის მოცულობის რომანი "ორი სიცოცხლე - ორი სიყვარული". 1999 წლის გაზაფხულზე რუსეთის საელჩოსა და კულტურის ცენტრის ეგიდით, გრიბოედოვის თეატრში 37 საათსა და 02 წუთში შექმნა 125-გვერდიანი რომანი "სიყვარულის ნოსტალგია".  გამოცემული აქვს პირველი სქელტანიანი ტომი რომანების ციკლისა "ღმერთების სევდა", "გაქვავებული ქალაქი", "ჟანგისფერი ყვავილი", "ლასარია", "ნაბიების ქვეყანა"), მუშაობს მეცნიერულ და პუბლიცისტურ თემებზეც.

წყარო: ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.117

• ორი სიცოცხლე - ორი სიყვარული (ავტორი). - ბათუმი, გამომცემლობა აჭარა, 1997. - 123გვ.
• ღმერთების სევდა (ავტორი). - თბილისი, გულანი, 1993. - 640გვ.
• 10 მოთხრობა ხუთ დღეში, რომანი ოთხ დღეში (ავტორი). - თბილისი, გულანი, 1990. - 168გვ.