გელა გოგოლაძე

დაბადების ადგილი: დაბა სურამი, ხაშურის რაიონი.

სწავლობდა საქართველოს ფიზკულტურის ინსტიტუტში. სწავლის პერიოდში გაიწვიეს სამხედრო სავალდებულო სამსახურში, მსახურობდა ქ. ბრიანსკში. დაბრუნების შემდეგ მუშაობდა გ. დიმიტროვის სახელობის ბავშვთა სახლში ფიზიკური აღზრდის მასწავლებლად, სურამის I საშუალო სკოლაში მასწავლებლად, სურამის ტრავმატოლოგიურ საავადმყოფოში მასაჟისტად. საქართველოში ეროვნული მოძრაობის დაწყების დღიდან ჩაება საქართველოს დამოუკიდებლობისათვის ბრძოლაში. 1990-1991 წლებში იყო ხაშურის გვარდიის მეთაური. მონაწილეობდა თბილისში 1991-1992 წლების საომარ მოქმედებებში, იცავდა ეროვნულ ხელისუფლებას და მთავრობის სასახლეს. აფხაზეთში საომარი მოქმედებების დაწყებისთანავე ირიცხება საქართველოს ეროვნული გვარდიის №20 ბატალიონში შტაბის უფროსად. აღნიშნული ნაწილი სოხუმში იარაღის საწყობს იცავდა. დაიღუპა 1993 წლის 3 იანვარს საწყობზე თავდასხმის დროს. საქართველოს ტერიტორიული მთლიანობისათვის მებრძოლი აფხაზეთის ომში. 

წყარო: უკვდავება : საქართველოს ტერიტორ. მთლიანობისათვის აფხაზეთსა და შიდა ქართლში დაღუპულ მეომართა ბიოგრაფიები. ნაწილი 1-თბ.,1996.-გვ.154