ხუტა გაბისონია

დაბადების ადგილი: ქ. გალი.

ცეკვავდა 1935 წლიდან; განსაკუთრებით გამოარჩევდნენ ცეკვებს: "მთიულური", "აფხაზური", "კავკასიური", "სვანური", "სიმდი"; 1938 წელს "მთიულურის" შესრულებისათვის ქართული ხალხური ცეკვების ინდივიდუალურ შემსრულებელთა აფხაზეთის ავტონომიური რესპუბლიკის კონკურსზე პირველი ადგილი და ფულადი ჯილდო დაიმსახურა; იმავე წელს იგი მიიწვიეს აფხაზეთის სიმღერისა და ცეკვის სახელმწიფო ანსამბლში (ქორეოგრაფი რ. აგრბა); 1938 წელს საქართველოს მშრომელთა მხატვრული თვითმოქმედების მეხუთე რესპუბლიკურ ოლიმპიადაზე, თბილისში "მთიულურის" უბადლო შესრულებისთვის ხ. გაბისონიას კვლავ პირველი ადგილი და ფულადი პრემია მიანიჭეს; 1942 წლამდე იგი აფხაზეთის სიმღერისა და ცეკვის ანსამბლში ცეკვავდა, ხოლო 1942 წელს, ფრონტის ხაზთან მიწვეულმა, შექმნა მოცეკვავეთა ბრიგადა და 242-ე  ქართველ მსროლელთა დივიზიაში დარჩა; 1943 წლის დასასრულს სოხუმში დაბრუნდა და კვლავ აფხაზეთის სიმღერისა და ცეკვის ანსამბლში განაგრძო მუშაობა; 1958 წელს თბილისში აფხაზეთის ლიტერატურის და ხელოვნების დეკადაზე წარმატებული გამოსვლისათვის საპატიო სიგელით დაჯილდოვდა. 

წყარო: ქართული ხალხური ქორეოგრაფიის მოღვაწენი/ გიორგი სუხიშვილი.-თბ.,1988, გვ.183

• 1972 - აფხაზეთის დამსახურებული არტისტი