ბადრი მაისურაძე

დაამთავრა თბილისის პოლიტექნიკური ინსტიტუტის სამშენებლო ფაკულტეტი 1985 წელს; თბილისის იურიდიული ინსტიტუტის იურიდიული ფაკულტეტი 1999 წელს.

1986-1987წწ. იყო სამხედრო სამსახურში. 1987-1995წწ. მუშაობდა თბილისის მერიის სისტემაში წამყვან სპეციალისტად. 1999-2005წწ. ეწეოდა პედაგოგიურ მოღვაწეობას არისტოტელეს სახელობის ბერძნულ-ქართული უნივერსიტეტის იურიდიულ ფაკულტეტზე, თბილისის ილია ჭავჭავაძის სახელობის უნივერსიტეტის საზოგადოებრივ მეცნიერებათა კათედრაზე; თბილისის ბიზნესის სახელმწიფო ინსტიტუტის რუსთავის ფილიალის სამართალმცოდნეობის ფაკულტეტის დოცენტად. 2000 ნლიდან აქტიურად არის ჩაბმული მაისურაძეთა საგვარეულო კავშირის ღონისძიებების დაგეგმვა-ჩატარებაში. 2012 წლიდან არის მაისურაძეთა საგვარეულო კავშირის გამგეობის წევრი. წლების მანძილზე იგი იძიებდა და აგროვებდა საარქივო მასალებს გვარების ისტორიაზე.

წყარო: მაისურაძეთა გვარის მატიანე / ბადრი მაისურაძე. - თბილისი, 2023. გვ.170-171