გიორგი მთიულიშვილი

დაბადების ადგილი: ქ. ახმეტა.

დაამთავრა საქართველოს ტექნიკური უნივერსიტეტის ჰუმანიტარულ-სოციალური ფაკულტეტი სამართალმცოდნეობის სპეციალობით 2010 წელს და მიენიჭა იურისტის კვალიფიკაცია; 2012 წელს დაამთავრა საქართველოს ტექნიკური უნივერსიტეტის ჰუმანიტარულ-სოციალური ფაკულტეტის მაგისტრატურა და მიენიჭა სამართლის მაგისტრის აკადემიური ხარისხი; 2015 წლიდან იყო საქართველოს  ტექნიკური უნივერსიტეტის დოქტორანტი საჯარო მმართველობის სადოქტორო პროგრამაზე; 2020 წელს ჩააბარა მოსამართლის საკვალიფიკაციო გამოცდა სამოქალაქო და ადმინისტრაციული სამართლის სპეციალიზაციაში; 2010-2012წწ. მონაწილოებდა იმიტირებულ საარბიტრაჟო და სასამართლო პროცესებში გერმანიაში (ფრანკფურტი), ლიეტუვაში (ვილნიუსი), აშშ-სა (მალიბუ) და ბულგარეთში (სოფია); 2009-2020წწ. მიღებული აქვს მონაწილეობა არაერთ ტრენინგსა თუ კონფერენციაში, მათ შორის, 2008 წელს გაიარა საქართველოს ახალგაზრდა იურისტთა ასოციაციის 6-თვიანი ინტენსიური სასწავლო კურსი სისხლის სამართალში; 2020-2021წწ. იყო იუსტიციის უმაღლესი სკოლის მსმენელი.

2010 წელს - საქართველოს უზენაესი სასამართლოს საქმეთა პალატაში სტაჟიორი; 2010-2011წწ. - საქართველოს ტექნიკურ უნივერსიტეტში სპეციალისტი (სამართლის კლინიკის კოორდინატორი); 2010-2011წწ. - სსიპ საჯარო რეესტრის ეროვნული სააგენტოს სამეწარმეო და არასამეწარმეო (არაკომერციული) იურიდიულ პირთა რეესტრში სპეციალისტი; 2011-2015წწ. - საქართველოს თავდაცვის სამინისტროს სამხედრო პოლიციის დეპარტამენტის უმცროსი პატრული, უფროსი პატრული, სამმართველოს იურისტი, დეპარტამენტის იურისტი, იურიდიული სამსახურის უფროსი; 2015-2018წწ. - სახელმწიფო უსაფრთხოებისა და კრიზისების მართვის საბჭოს აპარატის მრჩეველი; 2018-2020წწ. - საქართველოს იუსტიციის უმაღლესი საბჭოს დამოუკიდებელი ინსპექტორის სამსახურის უფროსი კონსულტანტი; 2020 წლის მარტიდან სექტემბრამდე - საქართველოს უზენაესი სასამართლოს მწერალი თანაშემწე; 2012-2020წწ. - საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის მოწვეული მასწავლებელი; 2020 წლიდან - საქართველოს ეროვნული უნივერსიტეტის (სეუ) მოწვეული ლექტორი. 2022 წლის მარტიდან - გურჯაანის რაიონული სასამართლოს მოსამართლე.

წყარო: საქართველოს იუსტიციის უმაღლესი საბჭო: hcoj.gov.ge; გურჯაანის რაიონული სასამართლო: court.ge