გულიკო მარუაშვილი

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1970 წელს.

1965-1970წწ. მუშაობდა გაზეთ თბილისის კულტურისა და მეცნიერების განყოფილებაში შტატგარეშე კორესპონდენტად; 1971 წლიდან თსუ ჟურნალისტიკის ფაკულტეტზე; კინო-ტელესასწავლო–სამეცნიერო ლაბორატორიის ლაბორანტად; 1981 წლიდან ტელევიზიისა და რადიოჟურნალისტიკის კათედრის უფროს ლაბორანტად; 1989 წლიდან მეცნიერ-თანამშრომლად; კინო–ტელელაბორატორიაში მისი, როგორც სცენარისტისა და რედაქტორის მონაწილეობით შეიქმნა თსუ კინომატიანეები, დოკუმენტური და სასწავლო ფილმები; მათ შორის  "ივანე ჯავახიშვილი", "გიორგი ახვლედიანი", "აკაკი შანიძე", "უნივერსიტეტი–50", "სიმონ ყაუხჩიშვილი" და სხვ.; გამოქვეყნებული აქვს ხუთი სამეცნიერო შრომა; 1983-1984წწ. ტელევიზიისა და რადიოჟურნალისტიკის კათედრაზე მუშაობის პერიოდში თანამშრომლობდა საქართველოს ტელევიზიის ლიტერატურისა და ხელოვნების მთავარ რედაქციაში, მისი ავტორობით ეთერში გავიდა გადაცემები: "ნიკო ნიკოლაძე", "გ. მარგველაშვილი– 60", "ედიშერ ყიფიანი" და სხვ. 1983-1987წწ. იყო თსუ სადოქტორო ხარისხის მიმნიჭებელი სამეცნიერო საბჭოს მდივანი, 1987-1998წწ. ჟურნალისტიკის ფაკულტეტის რადიოჟურნალისტიკის კათედრის მდივანი; როგორც მეცნიერ თანამშრომელი, მონაწილეობდა აღნიშნული კათედრის სამეცნიერო თემატიკის დამუშავებაში და ყოველწლიურად წარადგენდა შრომებს, ჰქონდა სარედაქციო დატვირთვაც; 1998 წლიდან მუშაობდა კინო ტელელაბორატორიაში, როგორც რედაქტორი და სცენარისტი; არის ლაბორატორიის მეცნიერ თანამშრომელი და კურატორობს სტუდენტებს ტელეჟურნალისტიკის განხრით.

საკანდიდატო დისერტაციის თემა - "ილია ხონელი ჟურნალისტი და პუბლიცისტი", დაიცვა 1986 წელს.

წყარო: ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.141