სერგო ჩობანიანი

დაამთავრა თბილისის სახელმწიფო უნივერსიტეტის ფიზიკის ფაკულტეტი ფიზიკოსის კვალიფიკაციით 1965 წელს. 

1968 წლიდან მუშაობს საქართველოს ტექნიკური უნივერსიტეტის ნიკო მუსხელიშვილის სახელობის გამოთვლითი მათემატიკის ინსტიტუტში მეცნიერი-თანამშრომელად, მთავარ მეცნიერი-თანამშრომელად; 1996-2020წწ. მიჩიგანის სახელმწიფო უნივერსიტეტი, აშშ, ალბათობა და სტატისტიკა თანამდებობა: მიწვეული პროფესორი; 2010-2014წწ. ISET (ეკონომიკის საერთაშორისო სკოლა, თსუ), სტრუქტურული ერთეულის, ალბათობა და სტატისტიკის მიწვეული პროფესორი. მას ეკუთვნის 60 პუბლიკაცია, რომლებიც ეხება გაუსის ზომის თეორიას, ვექტორული სტაციონარული პროცესების თეორიას და ვექტორული შესაკრებების გადანაცვლებებთან დაკავშირებულ უტოლობებს. არის თანაავტორი მონოგრაფიის "ალბათური განაწილებები ბანახის სივრცეებში". მიჩიგანის სახელმწიფო უნივერსიტეტში, ამერიკელ კოლეგებთან ერთად გამოაქვეყნა 15 სტატია. იყო პროექტების SRNSF, FR/539/5-100/13 და GNSF/ST08/3-384 ხელმძღვანელი და ინიციატორი. არის უკრაინული ჟურნალის "სტოქასტური პროცესების თეორია" სარედაქციო საბჭოს წევრი. ფიზიკა-მათემატიკის მეცნიერებათა აკადემიური დოქტორი (2006), პროფესორი (1996).

წყარო: საქართველოს ტექნიკური უნივერსიტეტი ნიკო მუსხელიშვილის სახელობის გამოთვლითი მათემატიკის ინსტიტუტის ვებგვერდი: my.gtu.ge