მანანა ნოდია

დაბადების ადგილი: ქ. ზუგდიდი.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1981 წელს.

1975 წელს (პირველი კურსიდან) მუშაობა დაიწყო ტელევიზიისა და რადიომაუწყებლობის სახელმწიფო კომიტეტში: იყო რეჟისორის ასისტენტი, უმცროსი რედაქტორი, რედაქტორი, კორესპონდენტი; თანამშრომლობდა საქართველოს რადიოსა და პერიოდულ პრესაში, როგორებიცაა: "თბილისი", "ახალგაზრდა კომუნისტი", "კომუნისტი". ავტორია ტელეგადაცემების: "ცოცხალი მუზეუმი" (ბოტანიკური ბაღი), "ეტყვი რომ მოველ ბრძოლანახული" (ქართველი ექიმები დიდ სამამულო ომში), "სუნთქვა გარდასულ დღეთა" (დადიანების სასახლე ზუგდიდში), "ჩუმი ძახილი" (დემოგრაფია), "ლურჯი აფთიაქი", (მედიცინაზე ხალხური ციკლი); ავტორი და წამყვანი ყოველკვირეული სამედიცინო პროგრამისა "ჯანმრთელობა". 

წყარო: ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.145

• საქართველოს ჟურნალისტთა ფედერაცია, წევრი (1982-)