გურამ ვარდოსანიძე

დაბადების ადგილი: ქ. ზესტაფონი.

ქართული ხალხური ცეკვების ხელოვნებას ეზიარა ქ. ზესტაფონის ბავშვთა ქორეოგრაფიულ ანსამბლში რევაზ აბრამიშვილის ხელმძღვანელობით. 1959 წლიდან 1961 წლამდე ცეკვავდა ქუთაისის ახალგაზრდობის ცეკვის ანსამბლში. 1961 წლიდან საცხოვრებლად თბილისში გადმოვიდა და მუშაობა დაიწყო ტრამვაი-ტროლეიბუსების სამმართველოსთან არსებულ სიმღერისა და ცეკვის თვითმოქმედ ანსამბლში (ქორეოგრაფი რესპუბლიკის სახალხო არტისტი ბუხუტი დარახველიძე). 1964 წლიდან საქართველოს ხალხური ცეკვის დამსახურებული აკადემიური ანსამბლის წევრია. მიღებული აქვს სსრკ კულტურის სამინისტროს საპატიო სიგელი, ჰელსინკის მსოფლიო სტუდენტთა და ახალგაზრდობის მე-8 ფესტივალის ლაურეატი (1962).

წყარო: ქართული ხალხური ქორეოგრაფიის მოღვაწენი/ გიორგი სუხიშვილი.-თბ.,1988.-გვ.203; გურამ (სეფე) ვარდოსანიძე : განცხადება გარდაცვალების შესახებ // საქართველოს რესპუბლიკა. თბილისი, 2021.- 18-19 იანვარი.- N11-12 (9130-9131).- გვ.11

• 1981 - საქართველოს დამსახურებული არტისტი