ვასილ ურუშაძე

დაბადების ადგილი: სოფელი სუფსა, ლანჩხუთის რაიონი.

1935 წლიდან მსახურობდა შავი ზღვის ფლოტში, სადაც დაამთავრა საშუალო მეთაურთა კურსები. დიდი სამამულო ომის დროს ქალაქ სევასტოპოლში მეთაურობდა მეზღვაურთა დანაყოფს. ფაშისტების მიერ სევასტოპოლის დროებით დაკავების შემდეგ ვასილ ურუშაძე ცდილობდა ბრძოლით გადმოსულიყო ფრონტის ხაზზე და შეერთებოდა საბჭოთა არმიას, "მაგრამ საომარი საჭურვლის შემოლევის გამო, ბრიგადის ნარჩენები გერმანელებმა ტყვედ იგდეს და მათთან ერთად ვასილ ურუშაძეც. ამ მომენტიდან ვასილ ურუშაძე მხოლოდ იმაზე ფიქრობდა, რომ ფაშისტებს ხელიდან გასხლტომოდა და შეურიგებლად ებრძოლა მათ წინააღმდეგ, მაგრამ ეს განზრახვა მან ერთხანს ვერ განახორციელა. ამის შემდეგ ვასილ ურუშაძე სხვებთან ერთად ბანაკიდან ბანაკში გადაჰყავდათ და, ბოლოს, გერმანიაში გააგზავნეს, ხოლო 1943 წლის ივნისში გადაიყვანეს იტალიაში, ქ. უდინოში. 1944 წლის მაისში მან სხვა ქართველებთან ერთად თავი დააღწია ფაშისტების ტყვეობას და შეუერთდა იტალიელ პარტიზანებს". ქართველ და იტალიელ პარტიზანთა ერთ-ერთი ხელმძღვანელი მეორე მსოფლიო ომის დროს ჩრდილოეთ იტალიაში.

წყარო: ქართველი პარტიზანები ფაშისტებისაგან იტალიის განთავისუფლებისათვის ბრძოლაში / ნ. ჭეიშვილი.- ბათუმი, 1958. გვ.15