
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

გურამ ადანაია

Date of birth:	15 July, 1936 (89 years)
Category:	Public official, Historian, Educator

Biography

დაბადების ადგილი: სოფელი ხორში, ცხაკაიას რაიონი.

სწავლობდა ქუთაისის ალ. წულუკიძის სახელობის სახელმწიფო პედაგოგიური ინსტიტუტის ისტორიის ფაკულტეტზე; მეორე კურსზე იყო, საბჭოთა არმიის რიგებში რომ გაიწვიეს; დემობილიზაციის მერე უმაღლეს სასწავლებელში განაგრძო სწავლა; ორჯერ ყამირი და ნასვენი მიწების ათვისებაში მონაწილეობდა ყაზახეთის, კუსტანაისა და პავლოდარის ოლქებში; ინსტიტუტის დამთავრების შემდეგ სამი წელი რაიონის სხვადასხვა სკოლაში მუშაობდა; 1961 წელს საქართველოს კომპარტიის ცხაკაიას რაიკომის რეკომენდაციითა და სახელმწიფო უშიშროების კომიტეტის წარდგინებით საბჭოთა კავშირის სახელმწიფო უშიშროების კომიტეტის მინსკის უმაღლეს სასწავლებელში ჩაირიცხა; 1964-1990წწ. საქართველოს სახელმწიფო უშიშროების ორგანოებში იმუშავა ცხაკაიას, ფოთის, სოხუმის საქალაქო განყოფილებებში ოპერატიულ და ხელმძღვანელ თანამდებობებზე; სსრკ უმაღლესი საბჭოს პრეზიდიუმისა და სსრკ უშიშროების კომიტეტის ბრძანებით სხვადასხვა წლებში დაჯილდოებულია მედლებით (9 მედალი); 1978-1979წწ. საბჭოთა კავშირის სახელმწიფო უშიშროების კომიტეტის კონტრდაზვერვის მთავარი სამმართველოს დაზვერვითი და კონტრდაზვერვითი ღონისძიებების განსახორციელებლად ესპანეთის, აფრიკის ქვეყნებისა და პერუს საზლვაო პორტებში მიავლინეს, სადაც სარემონტოდ და მოპოვებული თევზპროდუქტების ჩასაბარებლად შედიოდნენ საქართველოს თევზჭერის სამმართველოს გემები; 1982-1990წწ. იყო საქართველოს სახელმწიფო უშიშროების კომიტეტის ცხაკაიას რაიგანყოფილების უფროსი; ამავე წლებში მშრომელთა დეპუტატების ცხაკაიას რაიონის აღმასრულებელი კომიტეტის დეპუტატი და საქართველოს კომპარტიის ცხაკაიას რაიკომის ბიუროს წევრი; აქტიურად მონაწილეობდა რაიონის წინაშე მდგარი სასოფლო-სამეურნეო ამოცანებისა და სახელმწიფო გეგმების შესრულებაში; 1990-1991წწ. ცხაკაიას რაიონის აგროსამრეწველო გაერთიანების თავმჯდომარის პირველ მოადგილედ იმუშავა; 1994-1996წწ. საქართველოს საჰაერო ტრანსპორტის დეპარტამენტის სენაკის აეროპორტ "კოლხის" გენერალური დირექტორის მოადგილე გახლდათ საავიაციო უსაფრთხოებისა და რეჟიმის დარგში; 10 წელიწადი ამავე აეროპორტის კომერციული დირექტორი იყო; 2006-2008წწ. შსს "გასკო+"-ის კადრებისა და საზოგადოებასთან ურთიერთობის სამსახურს ხელმძღვანელობდა, მერე შპს "აკოს" დირექტორად დააწინაურეს; 2010 ნლის მაისში სენაკის მუნიციპალიტეტის საკრებულოს წევრად და სენაკის მუნიციპალიტეტის საკრებულოს მიწათსარგებლობისა და ქონების მართვის კომისიის თავმჯდომარედ აირჩიეს. ამ თანამდებობაზე ოთხი წელიწადი იმუშავა.

წყარო: სენაკის საპატიო მოქალაქეები / ანზორ ცაგურია, ვაჟა დანელია/. - სენაკი, 2020. - 67-68გვ.

Awards and Honors

2000 - სენაკის საპატიო მოქალაქე