თამაზ კოღუა

დაბადების ადგილი: ქ. ცხაკაია.

დაამთავრა როსტოვის სახელმწიფო უნივერსიტეტის იურიდიული ფაკულტეტი 1973 წელს.

ორი წელი რუსეთის ფედერაციის კრასნოდარის მხარის ქალაქ ლაბინსკის სარაიონოთაშორისო პროკურატურის სტაჟიორი იყო, შემდგომ გამომძიებელი და პროკურორის მოადგილე; 1979-1980წწ. მარნეულის პროკურორი; 1981 წელს მუშაობდა საქართველოს კომპარტიის ცკ ადმინისტრაციული ორგანოების განყოფილების ინსტრუქტორად, შემდგომ განყოფილების გამგის მოადგილედ; სამი წელი საქართველოს რესპუბლიკის პროკურორის მოადგილე იყო სისხლის სამართლის საკითხებში; 1987 წელს საბჭოთა კავშირის უზენაესი საბჭოს ბრძანებულებით იუსტიციის სახელმწიფო მრჩევლის სპეციალური წოდება მიენიჭა; 1988-1991წწ. საქართველოს კომპარტიის ცხაკაიას რაიკომის პირველ მდივანად იმუშავა; 1992-1995წწ. საქართველოს რესპუბლიკის ორგანიზაციული უზრუნველყოფის და კონტროლის სამმართველოს უფროსად; 1995 წელს სამეგრელოს სამხარეო პროკურორად; ორი წლის შემდეგ საქართველოს გენერალური პროკურორის მოადგილედ დანიშნეს სისხლის სამართლის საკითხებში; 2001-2004წწ. იყო რუსთავის საქალაქო პროკურორი; ერთი წელი "ქართუ ჯგუფის" კონტროლის დეპარტამენტის ეკონომიკური უსაფრთხოების და აუდიტის განყოფილებას ხელმძღვანელობდა.  მშობლიურ ქალაქში პარტიულ სამუშაოზე ყოფნისას უამრავ კეთილ საქმეს ჩაუყარა საფუძველი. მიღებული აქვს არაერთი სამთავრობო ჯილდო. 

წყარო:  სენაკის საპატიო მოქალაქეები / ანზორ ცაგურია, ვაჟა დანელია/. - სენაკი, 2020. - 71-72გვ.

• 1997 - ღირსების ორდენი
• 1981 - მედალი "შრომითი წარჩინებისთვის"
• სენაკის საპატიო მოქალაქე