გელა ბარკალაია

დაბადების ადგილი: ქ. სენაკი.

დაამთავრა პროფესიული სასწავლებელი და სასოფლო-სამეურნეო ტექნიკუმი; თბილისის ივანე ჯავახიშვილის სახელობის უნივერსიტეტის იურიდიულ ფაკულტეტი.

მუშაობა თოთხმეტი წლისამ დაიწყო. უმაღლესი სასწავლებლის დამთავრების შემდეგ მშობლიურ ქალაქში დაიწყო შრომითი საქმიანობა. სენაკში ერთ-ერთმა პირველმა გახსნა მოკრძალებული ავტოსალონი. 2005 წელს დააფუძნა კომპანია "მათემოტორსი", რომელსაც საუკეთესო ცენტრებით, კვალიფიციური გუნდითა და მენეჯმენტით ავტოსატრანსპორტო სფეროში ერთ-ერთი ლიდერის პოზიცია უკავია. ის ოცდაათ სხვადასხვა ბრენდს წარმოადგენს საქართველოში და არის მათი ოფიციალური დილერი. შექმნა უამრავი სამუშაო ადგილი, როგორც მშობლიურ ქალაქში, ისე საქართველოს თითქმის ყველა დიდ ქალაქსა და რეგიონში. ბიზნესის გაფართოებასთან ერთად მისი სახსრებით ათეულობით სტუდენტმა შეძლო სპეციალობის მიღება, ჯანმრთელობის პრობლემის მქონე ადამიანებს გადაუდებელი და ძვირადღირებული ოპერაციები დაუფინანსა სრულად და პოსტოპერაციულ რეაბილიტაციაშიც დაეხმარა. მას დიდი წვლილი მიუძღვის სენაკის ეკლესიის მშენებლობაში, გაარემონტა და კეთილმოაწყო სენაკის შეზღუდული შესაძლებლობების მქონე პირთა სახლი. 

წყარო: სენაკის საპატიო მოქალაქეები / ანზორ ცაგურია, ვაჟა დანელია/. - სენაკი, 2020. -95გვ.

• სენაკის საპატიო მოქალაქე