გიორგი სიმონიშვილი

დაბადების ადგილი: ქ. თბილისი.

ცეკვის ხელოვნებას ეზიარა პლეხანოვის სახელობის კლუბში მ. ბახტაძის ხელმძღვანელობით.

1941 წელს იგი მოცეკვავე-მსახიობად მიიღეს ქართლ-კახური სიმღერისა და ცეკვის სახელმწიფო ანსამბლში მ. თარხნიშვილის ხელმძღვანელობით. 1943 წელს სამუშაოდ გადავიდა საქართველოს ხალხური სიმღერისა და ცეკვის სახელმწიფო ანსამბლში ქორეოგრაფ ჯანო ბაგრატიონის ხელმძღვანელობით. 1948 წლიდან სიმონიშვილი საქართველოს ხალხური სიმღერისა და ცეკვის სახელმწიფო აკადემიური ანსამბლის მოცეკვავეა. მას მონაწილეობა აქვს მიღებული 1953 წელს ბუქარესტში ჩატარებულ მსოფლიო ახალგაზრდობისა და სტუდენტთა საერთაშორისო ფესტივალში, სადაც ლაურეატის წოდება მიანიჭეს. 1958-1961 წლებში სიმონიშვილი მუშაობდა სოლისტ-მოცეკვავედ საქართველოს სახელმწიფო საესტრადო ანსამბლში, ხოლო 1961 წლიდან საქართველოს სახელმწიფო ფილარმონიის მოცეკვავე-მსახიობია. 

წყარო: ქართული ხალხური ქორეოგრაფიის მოღვაწენი/ გიორგი სუხიშვილი.-თბ.,1988.-გვ.250

• საქართველოს დამსახურებული არტისტი