ლეო მამისაშვილი

დაბადების ადგილი: ქ. საგარეჯო

დაამთავრა თბილისის ქართული საკრედიტო ბანკის გიმნაზია 1923 წელს და თბილისის სახელმწიფო უნივერსიტეტის სოციალურ-ეკონომიურ ფაკულტეტი 1928 წელს.

სტუდენტობიდანვე, 1925 წლიდან დაიწყო მუშაობა ამიერკავკასიის რკინიგზის ნავთობსადენის სამმართველოში საანგარიშო კანტორის უფროსად. 1929-1930 წლებში მუშაობდა კოლმეურნეთა კავშირის მთავარ ორგანიზატორად, 1930 წლიდან ანგარიშმცოდნეობის უმაღლეს კურსებზე საფინანსო მეცნიერებისა და ბუღალტურული აღრიცხვის მიმართულებით. ამავე დროს იყო საქართველოს სახელმწიფო მუზეუმის დირექტორის მოადგილე. 1940 წლიდან საკავშირო დაუსწრებელი საფინანსო ინსტიტუტის თბილისის ფილიალში კითხულობდა ლექციებს ბუღალტრულ აღრიცხვაში, აგრეთვე, სტატისტიკური ინსტიტუტის თბილისის ფილიალში. ავტორია მრავალი სამეცნიერო გამოკვლევისა და სახელმძღვანელოსი. 1936 წლიდან გამოსცემდა ლიტერატურას ბუღალტრულ აღრიცხვაში. კომპოზიტორ ნოდარ მამისაშვილის მამა.

წყარო: ქართველ მოღვაწეთა ლექსიკონი, 1801-1952: ტ. III მ-რ / იოსებ იმედაშვილი.-თბ.,2021.-გვ.26; kvira.ge; მოგონებები ქართველი და უცხოელი მეცნიერების შესახებ : სიტყვა წარმოთქმული ივ. ჯავახიშვილის სახელობის თბილისის სახელმწიფო უნივერსიტეტის დოცენტის ლეო მამისაშვილის დაკრძალვის დღეს / ვასილ ჩანტლაძე.,-თბ.,2015.-გვ.120-121

• საკონტროლო ამოცანა თემაზე: წარმოების ძირითადი საშუალებების, მოზარდი პირუტყვისა და მასალების აღრიცხვა : საკოლმეურნეო მოანგარიშეთა მომზადების ჯგუფებში (მარტივი სისტემით) საკლასო წერითი სამუშაოს ჩასატარებლად (Author). - თბილისი, ლ.პ. ბერიას სახ. პოლიგრაფკომბინატი კომუნისტი, 1946. - 8გვ.
• მეთოდური მითითებანი მასწავლებელთათვის და გამჭოლი თემის გადაწყვეტა. საკოლმეურნეო აღრიცხვასა და ანგარიშწარმოებაში (ორმაგი სისტემით) : კოლმეურნეობის მოანგარიშეთა მომზადების ჯგუფისათვის. (Author). - თბილისი, ბოლშევიტსკაია პუტიოვკა-ს გამ-ბის სტ., 1946. - 109გვ.
• ლექციები საბჭოთა ბუხჰალტრულ აღრიცხვის თეორიაში (Author). - ტფილისი, საქორგაღრიცხვა, 1936
• კონსპექტი საბჭოთა ბუხჰალტერულ აღრიცხვის თეორიაში ტეხწრებისა და კურსების მსმენელთათვის (Author). - ტფილისი, ზარია ვოსტოკა-ს სტ., 1936. - 267გვ.