გივი ჩიჩუა

დაბადების ადგილი: ქ. ბათუმი.

ქართული ხალხური ცეკვის ხელოვნებას პირველად ეზიარა საშუალო სკოლის თვითმოქმედ ქორეოგრაფიულ კოლექტივში ქორეოგრაფ ენ. ხაბაძის ხელმძღვანელობით. 1945 წელს ის მოცეკვავე-მსახიობად მიიღეს აჭარის სიმღერისა და ცეკვის სახელმწიფო დამსახურებულ ანსამბლში. 1946 წელს წარმატებით გაიარა საკონკურსო დათვალიერება და საქართველოს ხალხური ცეკვის ახლად დაარსებული ანსამბლის კოლექტივში ჩაირიცხა. რამდენიმე წლის შემდეგ გ. ჩიჩუა კვლავ აჭარის სიმღერისა და ცეკვის ანსამბლს დაუბრუნდა და დიდი ხნის მანძილზე აგრძელებდა მუშაობას. პედაგოგიურ მოღვაწეობას ეწეოდა ბათუმის საშუალო სკოლებში და ზრდიდა ახალგაზრდა მოცეკვავეებს. დაჯილდოებულია ბევრი სიგელით.

წყარო: ქართული ხალხური ქორეოგრაფიის მოღვაწენი / გიორგი სუხიშვილი.-თბ.,1988.-გვ.281; გივი ჩიჩუა ცეკვის ჯადოქარი / თენგიზ ცეცხლაშვილი.-თბ.,2015.-გვ.20-23

• 2012 - ბათუმის საპატიო მოქალაქე
• 1963 - საქართველოს დამსახურებული არტისტი
• აჭარის ავტონომიური რესპუბლიკის დამსახურებული არტისტი