თამაზ კუსიანი

დაბადების ადგილი: ქ. საჩხერე.

მუშაობდა საჩხერის "საქკოოპრეწვის" საწარმოო კომბინატში მუშად. 1989-1991 წლებში გაიწვიეს საბჭოთა არმიაში, მსახურობდა სპეციალური დანიშნულების ნაწილში ქ. ხაბაროვსკსა და მოლდავეთში. მეთაურობდა ორ ოცეულს. მიღებული ჰქონდა უფროსი სერჟანტის წოდება. 1991-1992 წლებში მუშაობდა საჩხერის სამშენებლო კომპლექსის სამშენებლო უბანზე მომმარაგებლად. შემდეგ მსახურობდა ბესო ქუთათელაძის სახელობის საჩხერის გვარდიის ბატალიონში ლეიტენანტის წოდებით ოცმეთაურად. აფხაზეთში საომარი მოქმედებების დაწყების დროს და ერთ-ერთი პირველი აფხაზეთის ტერიტორიაზე, კერძოდ სოხუმში, საჩხერის პატალიონი შევიდა. თამაზ კუსიანი პირველი კლასის მძღოლი იყო და თანამებრძოლთა თხოვნით, დროებით ხისძარიან მანქანაზე (ზილ-131) გადავიდა სამუშაოდ. გადაჰყავდა დაჭრილები და ემსახურებოდა ადგილობრივ მოსახლეობას მიმოსვლაში. დაიღუპა 1992 წლის 4 სექტემბერს ოჩამჩირის რაიონის სოფელ ტამიშთან. 2022 წელს საჩხერეში იმ ქუჩაზე, სადაც თამაზ კუსიანი ცხოვრობდა, მისი სახელობის სკვერი და მემორიალური დაფა მოეწყო. საქართველოს ტერიტორიული მთლიანობისათვის მებრძოლი აფხაზეთის ომში. 

წყარო: უკვდავება : საქართველოს ტერიტორ. მთლიანობისათვის აფხაზეთსა და შიდა ქართლში დაღუპულ მეომართა ბიოგრაფიები. ნაწილი 1-თბ.,1996.-გვ.251-252

• მედალი "საბრძოლო დამსახურებისთვის" (გარდაცვალების შემდეგ)