შოთა ჯოლბორდი

დაბადების ადგილი: ქ. გორი.

დაამთავრა საქართველოს პოლიტექნიკური ინსტიტუტი ელექტროტექნიკის სპეციალობით.

1970 წლამდე მუშაობდა გორის კვლევით-სამეცნიერო ინსტიტუტში სხვადასხვა თანამდებობაზე. ჰქონდა რამდენიმე მნიშვნელოვანი გამოგონება და რაციონალური წინადადება. საბჭოთა კავშირის სხვადასხვა ქალაქებში მივლინებებში ყოფნისას, ხშირად ხელმძღვანელობდა ელექტრო-სამონტაჟო და საექსპლუატაციო ჯგუფების მუშაობას. დიდი წვლილი მიუძღვის ქ. გორისა და რაიონის ელექტროქსელების სისტემების წარმატებულ მუშაობაში. ამ სფეროში მუშაობდა მრავალი წელი. მიღებული აქვს სამთავრობო ჯილდოები, პრემია-სიგელები თუ დიპლომები. იდგა გორის ტექნიკური ინტელიგენციის რიგებში. შეყვანილია ენერგეტიკის საპატიო წიგნში. მისი ტექნიკური გამოგონების ელემენტებს დღესაც წარმატებით იყენებენ შესაბამისი ელექტრომუშაკები.

წყარო: ხსოვნის წიგნი. ნაწილი 12/ვახტანგ ჭანკოტაძე. -თბ.,2021.-გვ.43-45