გიორგი ჯიბლაძე

დაბადებისა ადგილი: ქ. თბილისი.

ქართული ხალხური ცეკვების ხელოვნებას დაეუფლა თბილისის საწარმოო კოოპერაციის სახლთან არსებულ  ქორეოგრაფიულ ანსამბლში მ. შუბაშიკელის ხელმძღვანელობით. 1953-1973 წლებში მოცეკვავე-მსახიობად მუშაობდა საქართველოს ხალხური ცეკვის სახელმწიფო დამსახურებულ აკადემიურ ანსამბლში, სადაც ნამდვილ პროფესიულ სრულყოფას მიაღწია. იგი ყოველთვის გამოირჩეოდა თავისუფალი საშემსრულებლო მანერით. დაჯილდოებულია საქართველოს მთავრობის სიგელებითა და მედლებით. გ. ჯიბლაძე საქართველოს მუსიკალური და ქორეოგრაფიული საზოგადოების ქორეოგრაფიული განყოფილების გამგე იყო. მისი ინიციატივითა და უშუალო მონაწილეობით ჩამოყალიბდა ბავშვთა ქორეოგრაფიული სტუდიები საქართველოს ბევრ რაიონში, ჩატარდა ბევრი ინდივიდუალურ შემსრულებელთა ზონალური თუ რესპუბლიკური კონკურსები.

წყარო: ქართული ხალხური ქორეოგრაფიის მოღვაწენი / გიორგი სუხიშვილი.-თბ.,1988.-გვ. 295

• 1971 - საქართველოს სახალხო არტისტი
• 1967 - საქართველოს დამსახურებული არტისტი