პეტრე ჩიტაშვილი

დაბადების ადგილი: ქ. გორი.

დაამთავრა თბილისის სახელმწიფო უნივერსიტეტის ფიზიკა-მათემატიკის ფაკულტეტი.

ინსტიტუტის დამთავრების შემდეგ მუშაობა დაიწყო დუშეთის პედაგოგიურ ტექნიკუმში მათემატიკის მასწავლებლად. მოგვიანებით გადავიდა გორის საშუალო სკოლაში. მისი გაკვეთილები ყოველთვის იყო საინტერესო თეორიული თუ პრაქტიკული თვალსაზრისით, ურთულეს ფორმულებს მოსწავლეებს უხსნიდა ისეთი მეთოდებითა და ხერხებით, რომ მათ გაიოლებოდათ გაგება. სხვადასხვა დროს მუშაობდა გორის განათლების განყოფილების გამგის მოადგილედ, პედაგოგიური ტექნიკუმის დირექტორის მოადგილედ სამეცნიერო დარგში, ნ. ბარათაშვილის სახელობის პედინსტიტუტში ლექტორ-მეთოდისტად და სხვა. იგი აქტიურად მონაწილეობდა საზოგადოებრივ ღონისძიებებში. მიღებული ჰქონდა მედლები, სიგელები და მადლობები.

წყარო: ხსოვნის წიგნი. ნაწილი 7 / ვახტანგ ჭანკოტაძე .-თბ.,2020 -გვ.65-67

• საპატიო ნიშნის ორდენი