მიხეილ მეზვრიშვილი

დაბადების ადგილი: ქ. გორი.

დაამთავრა გორის პედაგოგიური ინსტიტუტის ისტორიის ფაკულტეტი.

ცნობილი იყო როგორც ღვაწლმოსილი ქორეოგრაფი, მომღერალი, აკორდიონისტი, ფანდურისტი და სხვა. ათეული წლები ემსახურა ხელოვნებას და მომავალი თაობების სწავლების უმნიშვნელოვანეს საქმეს; სხვადასხვა წლებში მუშაობდა: გორის უდედმამო ბავშვთა სახლში (ქორეოგრაფი), გორის რადიოკვანძი (ქართული სიმღერების შესრულება ფანდურის თანხლებით), პიონერთა სახლში (ქორეოგრაფად); იყო მ. კავსაძისა და გ. სვანიძის ანსამბლების აქტიური წევრი; 1952-1963 წლებში ქორეოგრაფად მუშაობდა გორის რაიონის კულტურის სახლში და N6 საშუალო სკოლაში. შემდეგ კი იყო ძევერის, ტირძნისის, კარალეთის, ხელთუბნის, ბერბუკის და სხვა სოფლების ქორეოგრაფი. სისტემატურად მართავდა კონცერტებს სამხედრო ჰოსპიტალში. იყო გორში ღვაწლმოსილი სტომატოლოგის მერი ჭიღლაძის მეუღლე.

წყარო: ხსოვნის წიგნი. ნაწილი 7 / ვახტანგ ჭანკოტაძე .-თბ.,2020 -გვ.75-79