ლელა ჯავახიშვილი

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ჟურნალისტიკის ფაკულტეტი 1996 წელს.

1996 წლიდან თსუ ქართული სახელმწიფო და სახალხო დიპლომატიის ისტორიის სამეცნიერო-კვლევითი ცენტრის თანამშრომელია; იგი ერთ–ერთი ავტორია ცენტრის მიერ გამოცემული "ქართული დიპლომატიის ლექსიკონისა"; პერიოდულად აქვეყნებს სამეცნიერო ნაშრომებს: მუშაობდა საქართველოს პარლამენტის საზოგადოებრივ ურთიერთობათა სამსახურის სპეციალისტად; იყო დემოკრატიული სწავლების ტრანსრეგიონული ცენტრის სოციოლოგიური კვლევის ახალი სკოლის (ნიუ იორკი, აშშ) მიერ ორგანიზებულ ასპირანტთა საზაფხულო ინსტიტუტის სტუდენტი; 1998 წელს გახდა თსუ ჟურნალისტიკის ფაკულტეტის მაძიებელი, პროფ. ნოდარ ტაბიძის ხელმძღვანელობით.

საკანდიდატო დისერტაციის თემა - "საქართველოს სახელმწიფო დიპლომატია და პრესა 1918-1921 წლებში", დაიცვა 2004 წელს.

წყარო: ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.200