შუქრი მარგიანი

დაბადების ადგილი: სოფელი ომარიშარა, გულრიფშის რაიონი.

1979-1984 წლებში სწავლობდა თბილისის სახელმწიფო უნივერსიტეტის ეკონომიკის  ფაკულტეტზე.

1983 წელს მიენიჭა ოფიცრის სამხედრო წოდება. მუშაობდა გულრიფშის "რაიკოოპკავშირში". 1985-1987 წლებში იყო  აჟარის სავაჭრო გაერთიანების დირექტორი, 1987-1990 წლებში - გულრიფშის "რაიკოოპკავშირის" სარევიზიო  კომისიის  თავჯდომარე. 1989-1990 წლებში სწავლობდა მოსკოვის კოოპერაციის ინსტიტუტის თბილისის  ფილიალის ახლად დაარსებულ მენეჯერთა სკოლაში, სადაც დაიცვა  საკანდიდატო  ნაშრომი - "კოდორის  ხეობის / დალის  სვანეთის  სოციალ-ეკონომიკური განვითარების სტრატეგიული გეგმა". შუქრი მარგიანი აქტიურად იყო ჩაბმული ეროვნულ მოძრაობაში, 1985-1992 წლებში სხვა კოდორელებთან ერთად ხელმძღვანელობდა შიყერის წმინდა გიორგის ეკლესიის  მშენებლობას; აფხაზეთში საომარი მოქმედებების დაწყებისთანავე მოხალისედ ჩაირიცხა საქართველოს რესპუბლიკის თავდაცვის სამინისტროს მე-2 საარმიო კორპუსის "მშვიდობის ლეგიონში"; დაიღუპა საბრძოლო ოპერაციის დროს, 1993  წლის 3 იანვარს, ლეგიონერ ემზარ გუჯეჯიანთან და გუბაზ ჯოხაძესთან ერთად; საქართველოს ტერიტორიული მთლიანობისათვის მებრძოლი აფხაზეთის ომში; 2005 წელს შუქრი მარგიანს მიეძღვნა მოგონებათა წიგნი - "დალელთა  იმედი" ("დალელთა იმედი" შუქრი მარგიანი : მოგონებები აფხაზეთის ომში დაღუპულ გმირზე /ავტორ-გამომცემელი ქეთევან მარგიანი, თბილისი : ენა და კულტურა, 2005.- 182გვ.). 

წყარო: უკვდავება : საქართველოს ტერიტორ. მთლიანობისათვის აფხაზეთსა და შიდა ქართლში დაღუპულ მეომართა ბიოგრაფიები. ნაწილი 1-თბ.,1996.-გვ.286; შექმენი საკუთარი ისტორია: mematiane.ge