ანზორ ხარიჩაშვილი

 დაბადების ადგილი: სოფელი თედოწმინდა, გორის რაიონი.

დაამთავრა საქართველოს სასოფლო-სამეურნეო ინსტიტუტის ეკონომიკა-ორგანიზაციის ფაკულტეტი; თბილისის სახელმწიფო უნივერსიტეტის საინჟინრო ეკონომიკის ფაკულტეტი.

1962 წლიდან მუშაობდა: გამომთვლელი მანქანების ცენტრალური სადგურის მთავარ ინჟინერად; გორის რაიონის სოფელ ძევერის მეურნეობის ეკონომისტად; გორის კვლევითი-სამეცნიერო ინსტიტუტის ეკონომიკის განყოფილების უფროს მეცნიერ-მუშაკად; შსს გორის საქალაქო განყოფილების უფროსად და ა.შ.; 1970-1971 წლებში თადარიგის ოფიცრის რანგში, გაწვეულ იქნა სავალდებულო სამხედრო სამსახურში, ქ. თელავის სამხედრო ნაწილის საფინანსო განყოფილებაში. წარმატებული შრომისათვის მას მიღებული ჰქონდა სიგელები, დიპლომები, მედალი, პრემიები.

წყარო: ხსოვნის წიგნი. ნაწილი 7 / ვახტანგ ჭანკოტაძე .-თბ.,2020 -გვ.91-92