თომა მაჭავარიანი

დაამთავრა ქუთაისის გიმნაზია.

1865 წელს ჩაირიცხა ოდესის უნივერსიტეტში, მაგრამ ჭლექით დაავადებული მალევე გარდაიცვალა ოდესაში. გამოქვეყნებული ჰქონდა შემდეგი პუბლიკაციები: "სამშობლო ენისათვის" ("ცისკარი", 1860, დეკემბერი), "ვარძიის მონასტერი", "კიცხის მაჭავარიანთა წარმომდინარეობა" (ორივე დაბეჭდილია ჟურნალ "ცისკარში"), მოთხრობა "მურზაყან ნაბერალის ცხოვრებიდამ", ("დროება", 1866, № 29-30), სადაც აღწერილია ძველი დროის სასწავლებელი და მასწავლებელი. 1867 წლის 9 ივნისს გაზეთ "დროებაში" გამოქვეყნდა მიხეილ ბეთანიშვილის წერილი-ნეკროლოგი ოდესაში გარდაცვლილი ახალგაზრდა პუბლიცისტისა და სტუდენტის, თომა მაჭავარიანის შესახებ.

წყარო: ქართველ მოღვაწეთა ლექსიკონი, 1801-1952: ტ. III მ-რ / იოსებ იმედაშვილი.-თბ.,2021.-გვ.115