ივანე აბაიაძე

დაბადების ადგილი: ქ. ხაშური.

დაამთავრა გორის აგრონომიული ტექნიკუმი 1928 წელს; გორის პედაგოგიური ინსტიტუტის ისტორიის ფაკულტეტი 1937 წელს; საქართველოს სასოფლო-სამეურნეო ინსტიტუტი აგრონომის სპეციალობით.

რამდენიმე წელი იმუშავა აგროტექნიკოსად. ინსტიტუტის დამთავრებისთანავე დაინიშნა გორის რაიონის სოფელ ხიდისთავის სკოლის დირექტორად. 1939-1944წწ. მუშაობდა გორის რაიონის განათლების განყოფილების გამგედ, შემდეგ შავშვების საბჭოთა მეურნეობის დირექტორად; გორის სასოფლო-სამეურნეო ტექნიკუმის დირექტორად; "გორვაჭრობის" (მაშინდელი "საქვაჭრობის") დირექტორად და ა.შ. მიღებული აქვს მაღალი სამთავრობო ჯილდოები: ორდენები, საპატიო სიგელები და დიპლომები. მრავალჯერ იყო არჩეული საქალაქო თუ სასოფლო საბჭოების დეპუტატად. მისი ძირითადი ასპარეზი იყო პარტიულ-სამეურნეო მოღვაწეობა, სადაც მან მნიშვნელოვან წარმატებებს მიაღწია.

წყარო: და ვანთებ სანთელს. ნაწ. 2 (ხსოვნის წიგნი): წიგნი ეძღვნება აწგარდაცვლილი გორელების ხსოვნას/ვახტანგ ჭანკოტაძე. -თბ., 2007. -გვ.4-6

• მედალი "შრომითი მამაცობისთვის"
• მედალი "კავკასიის დაცვისთვის"
• საქართველოს დამსახურებული აგრონომი
• საპატიო ნიშნის ორდენი
• შრომის წითელი დროშის ორდენი