კარლო თავაქალოვი

დაბადების ადგილი: ქ. გორი.

დაამთავრა თბილისის სამშენებლო ტექნიკუმი; დაუსწრებლად დაამთავრა საქართველოს პოლიტექნიკური ინსტიტუტის სამშენებლო ფაკულტეტი.

ტექნიკუმის დამთავრების შემდეგ სამუშაოდ გააგზავნეს უკრაინაში (ქ. ლვოვში) ერთ-ერთ მშენებარე ობიექტზე. შემდგომ მუშაობა განაგრძო ქ. გორში. მშობლიურ ქალაქში დაბრუნებული აქტიურად ჩაება მთავარი პროსპექტის (სტალინის ქუჩის) მშენებლობასა და კეთილმოწყობაში, როგორც საცხოვრებელი კორპუსების მშენებლობის მთავარი ზედამხედველი. მომდევნო წლებში მუშაობდა ქალაქის სარემონტო კანტორის მთავარ ინჟინრად, თავისი ინიციატივით ჩამოყალიბებული ქალაქის თბომეურნეობის სისტემის ხელმძღვანელად, სასტუმრო "ინტურისტის" მთავარ ინჟინრად, სამშენებლო კოოპერატივის უფროსად და ა.შ. ღვაწლმოსილი სამეურნეო მუშაკი, რომელმაც მნიშვნელოვანი კვალი დატოვა ქ. გორის განაშენიანებისა და თბომეურნეობის სრულყოფის საქმეში. იყო შრომის ვეტერანი და რამდენიმე მედლის კავალერი. 

წყარო: და ვანთებ სანთელს. ნაწ. 2 (ხსოვნის წიგნი): წიგნი ეძღვნება აწგარდაცვლილი გორელების ხსოვნას/ვახტანგ ჭანკოტაძე. -თბ., 2007. -გვ.-30-31