ლეო ელბაქიძე

დაბადების ადგილი: ქ. გორი.

დაამთავრა ნიკოლოზ ბარათაშვილის სახელობის პედაგოგიური ინსტიტუტი.

ინსტიტუტში სწავლის პერიოდში აქტიურად მონაწილეობდა როგორც ქალაქის, ისე რესპუბლიკური მნიშვნელობის სპორტულ ღონისძიებებში და არაერთ წარმატებასაც მიაღწია, რაზედაც მეტყველებს მის მიერ მიღებული სპორტული თანრიგები, პრიზები, დიპლომები, სიგელები და სხვა ჯილდოები თუ პრემიები. თამაშობდა კალათბურთს, ბილიარდს, ჭადრაკს, იყო შესანიშნავი მოფარიკავე (საქართველოს ჩემპიონი 1953 წელს). ნ. ბარათაშვილის სახელობის პედაგოგიურ ინსტიტუტში ხელმძღვანელობდა მოფარიკავეთა სპორტულ სექციას, რაც არ მიუტოვებია ინსტიტუტის დამთავრების შემდეგაც. სხვადასხვა წლებში მუშაობდა სპორტულ ორგანიზაციებში, სპორტული მაღაზიის გამგედ, საქართველოს ვაჭრობის სამინისტროს "გორვაჭრობის" სისტემაში, მშენებლობის სამინისტროს N3 ტრესტში და ა.შ.

წყარო: და ვანთებ სანთელს. ნაწ. 3 (ხსოვნის წიგნი): წიგნი ეძღვნება აწგარდაცვლილი გორელების ხსოვნას/ვახტანგ ჭანკოტაძე. -თბ., 2008. -გვ.12-14