სერგო ბერეკაშვილი

დაბადების ადგილი: ქ. ქუთაისი.

დაამთავრა ქუთაისის აეროკლუბი 1939 წელს; ქ. რუსთავის საფრენოსნო სასწავლებელი; სტალინგრადის სამხედრო-საავიაციო სასწავლებელი; ქ. ულიანოვსკის სამხედრო ავიაციის ინსტიტუტი.

1941 წლის 22 ივნისს 20 წლის ასაკში გაიწვიეს დიდ სამამულო ომში; კვალიფიკაციის ამაღლების მიზნით გაამწესეს ქ. ჩებოქსარის საავიაციო სასწავლებელში, რომელიც დაამთავრა 1943 წელს, მიენიჭა მფრინავი-გამანადგურებელის კვალიფიკაცია და სამართავად გადაეცა ბომბდამშენი თვითმფრინავი (მოდელი Пе-2); მფრინავი-გამანადგურებელის სტატუსით, 1943-1945 წლებში საბრძოლო მოქმედებების განხორციელებისას ირიცხებოდა II უკრაინის ფრონტზე; პირველი საბრძოლო მოქმედებების განხორციელება მოუწია 1943 წლის 12 მარტს; მფრინავი-გამანადგურებელის სტატუსით გამანადგურებელი საჰაერო დარტყმები განახორციელა თანამედროვე უკრაინის, რუმინეთის, მოლდავეთის, პოლონეთის, უნგრეთის ტერიტორიებზე; მიღებული აქვს მონაწილეობა ბუდაპეშტის, ვენის, პრაღის, ბელგრადის, კიროვოგრადის, კორსუნ-შევჩენკოვსკის, უმანის, იასკო-კიშინიოვის და სხვა მასშტაბურ შეტევით ოპერაციებში; სამამულო ომში საბრძოლო მოქმედებები დაასრულა 1945 წლის 7 ივნისს; დემობილიზაციის შემდეგ, ვინაიდან აფხაზეთში არ ყავდათ ადგილობრივი მფრინავი კადრები 1952 წელს ქუთაისიდან გადაიყვანეს სოხუმის აეროპორტში და დანიშნეს ხომალდის მეთაურად; სამხედრო ავიაციის შემდეგ მფრინავის სტატუსით საქმიანობას აგრძელებდა სამოქალაქო ავიაციის მიმართულებით და ანხორციელებდა სამოქალაქო ფრენებს სხვადასხვა დიდ ქალაქებში; მიღებული აქვს მადლობის სიგელი აფხაზეთში ტერიტორიული მთლიანობისათვის წარმოებულ ბრძოლებში სამშობლოსათვის თავდადების, მშვიდობიანი მოსახლეობის გადარჩენისთვის გამოვლენილი მამაცობის, მაღალი პროფესიონალიზმის და სამოქალაქო ავიაციაში ხანგრძლივი და ნაყოფიერი საქმიანობისთვის (28.07.2014); სოხუმის დაცემის შემდეგ დროებით ჩარჩა აფხაზეთში, აფხაზეთში ქართველთა გენოციდის სისხლის სამართლის საქმეზე დაკითხულია მოწმის სტატუსით და ცნობილია დაზარალებულად; თავისუფალ დროს გატაცებული იყო ყვავილების მოვლით (გაშენებული ჰქონდა ტიტების, ნარცისების და ვარდების ორანჟერეა), აწარმოებდა ქართულ ალკოჰოლურ სასმელებს, წერდა ლექსებს. ერთ-ერთი პირველი ქართველი სამხედრო მფრინავი, ლეიტენანტი.

• 2015 - მედალი "ფაშიზმზე გამარჯვების 70 წლის აღსანიშნავად"
• 1985 - სამამულო ომის II ხარისხის ორდენი
• 1985 - მედალი "დიდ სამამულო ომში გამარჯვების 40 წლისთავთან დაკავშირებით"
• 1978 - მედალი "საბჭოთა კავშირის შეიარაღებული ძალების 60 წელი"
• 1975 - მედალი "დიდ სამამულო ომში გამარჯვების 30 წლისთავთან დაკავშირებით"
• 1945 - მედალი "ვენის აღებისთვის"
• 1945 - მედალი "ბუდაპეშტის აღებისთვის"