მილა ბოგატელო-ნადიბაიძე

მილა ბოგატელო-ნადიბაიძე თბილისის ოპერისა და ბალეტის თეატრის წამყვანი სოლისტი 1960 წლიდან გახდა. იგი 27 წლის განმავლობაში მღეროდა სახელმწიფო თეატრში. მის რეპერტუარში 20-მდე წამყვანი პარტია შედიოდა, მათ შორის, ვიოლეტა ("ტრავიატა"), ქეთო ("ქეთო და კოტე"), ჯილდა ("რიგოლეტო"), ლუჩია ("ლუჩია დე ლამერმური"), მარეხი ("აბესალომ და ეთერი"), წითელქუდა (გოკიელის "წითელქუდა"). მილა ბოგატელო-ნადიბაიძე ასევე წამყვან პარტიებს ასრულებდა სპექტაკლებში "სემიონ კოტკო", "ევგენი ონეგინი", "ჯადოსნური ფლეიტა". კოლორატურული სოპრანო.

წყარო: ოპერის მომღერალი მილა ბოგატელო-ნადიბაიძე გარდაიცვალა : ოპერის მომღერალი, 1933-2019 : ნეკროლოგი // ახალი თაობა.-თბილისი,2019.-13-14 აპრილი.-N 87.-გვ.11; პირველი ქართული ვებგვერდი კულტურასა და ხელოვნებაზე : artinfo.ge

• საქართველოს დამსახურებული არტისტი