გიორგი მირზიაშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1947 წელს.

ინსტიტუტის დამთავრების შემდეგ რჩება ფიზიოლოგიის კათედრაზე სამუშაოდ, ჯერ უფროს ლაბორანტად, შემდეგ ასისტენტად და შემდეგ დოცენტად. სამედიცინო ინსტიტუტის პარალელურად  დაამთავრა კონსერვატორია ვოკალის განხრით (პროფესორ ქაშაკაშვილის კლასი). მუშაობდა აკადემიკოს ივანე ბერიტაშვილთან ფიზიოლოგიის ინსტიტუტში; იყო თბილისის ექიმთა დახელოვნების სახელმწიფო ინსტიტუტის ცენტრალური ლაბორატორიის უფროსი მეცნიერ-თანამშრომელი, ექსპერიმენტული მედიცინის განყოფილების ხელმძღვანელი; 1965-1980წწ. თბილისის სახელმწიფო უნივერსიტეტის ბიოლოგიის ფაკულტეტზე მიჰყავდა ექსპერიმენტული ქირურგიის კურსი; გამოცემული ჰქონდა 400-მდე სამეცნიერო ნაშრომი. მედიცინის მეცნიერებათა კანდიდატი (1967), პროფესორი. ფიზიოლოგი.

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.230-231