სერგო შავგულიძე

დაამთავრა საქართველოს პოლიტექნიკური ინსტიტუტი ელექტროკავშირგაბმულობის ინჟინრის კვალიფიკაციით 1980 წელს; სსრკ მეცნიერებათა აკადემიის მართვის პრობლემათა ინსტიტუტის ასპირანტურა 1984 წელს; სსრკ მეცნიერებათა აკადემიის ინფორმაციის გადაცემის პრობლემათა ინსტიტუტის დოქტურანტურა 1991 წელს.

1980 წლიდან მუშაობს საქართველოს პოლიტექნიკური ინსტიტუტში (შემდგომში საქართველოს ტექნიკური უნივერსიტეტი): 1980-1995წწ. ავტომატური ელექტროკავშირგაბმულობის კათედრა ასისტენტი, დოცენტი, პროფესორი; 1995-2006წწ. ციფრული კავშირის თეორიის კათედრა, კათედრის გამგე; 2006-2021წწ. ტელეკომუნიკაციის დეპარტამენტი, პროფესორი; 2021 წლიდან ციფრული სატელეკომუნიკაციო ტექნოლოგიების დეპარტამენტი, პროფესორი; 2007-2008წწ. ნატოს "მეცნიერება მშვიდობისა და უსაფრთხოებისთვის" პროგრამის საინფორმაციო და კომუნიკაციების უსაფრთხოების პანელის ასოცირებული წევრი; რადიოსაკომუნიკაციო ასამბლეებზე RA-2015 და RA-2019 არჩეული ვიყავი ტელეკომუნიკაციის საერთაშორისო კავშირის რადიოსაკომუნიკაციო სექტორის მე-5 შემსწავლელი ჯგუფის (ტერესტრიალური სერვისები) თავმჯდომარის მოადგილე; 1993-2023 წლებში იკავებდა სხვადასხვა კვლევით პოზიციებს შვედეთის ლინჩოპინგსა და ლუნდის, გერმანიის დარმშტადტის, კონსტანცის და ულმის; დანიის ლინბიუს და დიდი ბრიტანეთის ლანკასტერის უნივერსიტეტებში; 2024 წელს 4 წლის ვადით არჩეულია ტელეკომუნიკაციის საერთაშორისო კავშირის რადიოსაკომუნიკაციო სექტორის მე-7 შემსწავლელი ჯგუფის (სამეცნიერო სერვისები) თავმჯდომარის მოადგილედ. 200-მდე სამეცნიერო ნაშრომის ავტორი (ქართულ და უცხოურ ენებზე). მეცნიერებათა დოქტორი (1991), პროფესორი.

წყარო: საქართველოს ტექნიკური უნივერსიტეტის ვებგვერდი: my.gtu.ge

• გზა 6G-მდე: გამოწვევები კომუნიკაციის ინჟინრებისთვის (ავტორი). - ტექნ. უნ-ტი, 2220. - 208გვ.. - ISBN: 9789941845437
• კომუნიკაცია დედამიწის დაბალი ორბიტის თანამგზავრებით (ავტორი). - თბილისი, საქართველოს უნივერსიტეტის გამომცემლობა, 2023. - 120გვ.. - ISBN: 9789941984488
• უსაფრთხოების ახალი ტექნოლოგიები 6G ქსელებისთვის (თანაავტორი). - თბილისი, ტექნიკური უნივერსიტეტი, 2022. - 140გვ.. - ISBN: 9789941849985
• უსაფრთხოების ახალი ტექნოლოგიები 6G ქსელებისთვის (თანაავტორი). - თბილისი, ტექნ. უნ-ტი, 2022. - 140გვ.. - ISBN: 9789941849985
• Wi-Fi: თანამედროვე სტანდარტები და განვითარების ტენდენციები (ავტორი). - თბილისი, 2021. - 160გვ.. - ISBN: 9789941838446
• მეექვსე თაობის (6G) უსადენო საკომუნიკაციო ქსელები და სისტემები (თანაავტორი). - თბილისი, კავკასიის უნივერსიტეტის გამომცემლობა, 2021. - 224გვ.. - ISBN: 9789941974618
• ციფრული კავშირის სისტემების შემუშავება რადიოარხებისათვის (თანაავტორი). - თბილისი, კავკასიის უნივერსიტეტის გამომცემლობა, 2020. - 154გვ.. - ISBN: 9789941970214
• ბლოკური კოდები : სახელმძღვანელო (თანაავტორი). - თბილისი, ტექნ. უნ-ტი, 2020. - 376გვ.. - ISBN: 9789941285646