ლუარსაბი ქრისტესიაშვილი

დაბადების ადგილი: ქ. გორი.

დაამთავრა თბილისის საამშენებლო სასწავლებელი (შემდგომში საქართველოს პოლიტექნიკური ინსტიტუტი) მშენებელი ინჟინრის სპეციალობით.

სასწავლებლის დამთავრების შემდეგ შეუერთდა გორელ მშენებელთა იმ ჯგუფს, რომელმაც ომის შემდგომ პერიოდში შექმნა თანამედროვე ინფრასტრუქტურის დიდი ნაწილი, მათ შორის, უნიკალური შენობები და კომპლექსები. მონაწილეობდა მეორე მსოფლიო ომში, იბრძოდა უკრაინაში. ომის დასრულების შემდეგ თავისი შრომითი მოღვაწეობის უდიდესი ნაწილი გაატარა გორის N9 საამშენებლო ტრესტში მშენებელი ინჟინრის სტატუსით. პარალელურად, იგი ეწეოდა საპროექტო საქმიანობას და აქტიურად იყო ჩართული პარტიის საქალაქო კომიტეტის შესაბამისი სტრუქტურული ერთეულის მუშაობაში. ბევრ შენობა-ნაგებობას ჩაუყარა საფუძველი, რომელთა შექმნაშიც დიდი წვლილი მიუძღვის.

წყარო: ხსოვნის წიგნი. ნაწილი 5/ვახტანგ ჭანკოტაძე. -თბ., 2019.-გვ.32-36