შალვა ლეკიშვილი

დაბადების ადგილი: სოფელი ახალდაბა, გორის რაიონი.

დაამთავრა თბილისის სახელმწიფო უნივერსიტეტის სპეციალური კურსები ეკონომიკის სპეციალობით 1930 წელს.

ასრულებდა მთავარი სპეციალისტის მოვალეობას გორის რაიონის თითქმის ყველა სოფელში. მეორე მსოფლიო ომის დაწყების პირველივე დღეებში მოხალისეთა რიგებში ჩაეწერა და სულ მალე აღმოჩნდა საბრძოლო მოქმედებების არეალში. გარდა ჯარისკაცის პირდაპირი მოვალეობისა, მას, როგორც განათლებულ სპეციალისტს, დაკისრებული ჰქონდა დიდ საჯარისო გაერთიანებაში სამეურნეო საკითხების მოგვარება და კონტროლი. ერთ-ერთი მსხვილი სამხედრო ოპერაციის დროს სხვა თანამებრძოლებთან ერთად ჩავარდა ტყვედ და საკონცენტრაციო ბანაკში (ქ. დუისელდორფი) გაატარა მძიმე დღეები. ოჯახში დაბრუნდა 1945 წლის 5 ნოემბერს. ომის შემდგომ, მშვიდობიან წლებში, სიცოცხლის ბოლომდე მუშაობდა სხვადასხვა თანამდებობაზე: მთავარ ეკონომისტად, კახეთისა და ახალციხის კონტროლის პალატის ფილიალებში, ავტოსადგურში და სხვა.

წყარო: ხსოვნის წიგნი. ნაწილი 5/ვახტანგ ჭანკოტაძე. -თბ., 2019. -გვ.50-53

• სამამულო ომის საბრძოლო ორდენი