ხუტა პაჭკორია

დაბადების ადგილი: ქ. ზუგდიდი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1971 წელს; თბილისის სახელმწიფო სამედიცინო ინსტიტუტის ასპირანტურა 1978 წელს.

1972-1975წწ. მუშაობდა წალენჯიხის რაიონის სოფელ ლიას ამბულატორიის მთავარ ექიმად; 1978-2000წწ. იყო თბილისის სახელმწიფო სამედიცინო უნივერსიტეტის სუბორდინატორთა ჰოსპიტალური თერაპიის კათედრის ასისტენტი; 2000-2023წწ. აკად. ნ. ყიფშიძის სახელობის საუნივერსიტეტო კლინიკის (რესპუბლიკური საავადმყოფო) შინაგან სნეულებათა დეპარტამენტის გასტროენტეროლოგი; 180-მდე სამეცნიერო ნაშრომის, აქედან - 9 მონოგრაფიის, ავტორი გასტროენტეროლოგიასა და შინაგან მედიცინაში. მეცნიერებაში გაწეული ღვაწლისთვის დაჯილდოებულია ფაზისის აკადემიის სიგელით (2003). გასტროენტეროლოგი.

წყარო: ხუტა პაჭკორია - ქართული მედიცინის ისტორიის მოამაგე // ავერსი : შემეცნებით-გასართობი სამედიცინო ჟურნალი.-თბილისი,2024.-N1 (217).-გვ.66-69 

• ინტერნისტთა საერთაშორისო ასოციაცია, წევრი
• მედიცინის ისტორიკოსთა საერთაშორისო ასოციაცია (1997-)
• ჟურნალ "შინაგანი მედიცინა და კარდიოლოგია XXI-ის" სარედაქციო კოლეგია, წევრი (2002-)
• ფაზისის აკადემია, წევრი (2009-)

• 1992 - გრიგოლ მუხაძის სახელობის საიუბილეო მედალი