დემურ იოსელიანი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1969 წელს.

1960-1982წწ. მუშაობდა საქართველოს ტელევიზიისა და რადიომაუწყებლობის სახელმწიფო კომიტეტში რეჟისორის თანაშემწედ, ასისტენტად, რედაქტორად, ტელევიზიის ინფორმაციის მთავარი რედაქციის მთავარ რედაქტორად, ტელევიზიის პროგრამების მთავარ რედაქტორად; 1982 წლიდან საქართველოს საზოგადოებრივი აზრის ცენტრის მასობრივი ინფორმაციის საშუალებათა განყოფილების გამგედ; 1983 წლიდან საქართველოს კპ ცკ-ის პრესის, ტელევიზიისა და რადიოს სექტორის ინსტრუქტორად; 1985-1988წწ. გაზეთ "კომუნისტის" რედაქტორის პირველ მოადგილედ; 1980 წლიდან საქართველოს კპ ცკ-ის პრესის, ტელევიზიისა და რადიოს სექტორის გამგედ; 1990 წლიდან გაზეთ "სოფლის ცხოვრების" რედაქტორად; 1991 წლიდან იყო გამომცემლობა "ჟურნალისტის" რედაქტორი და საოჯახო გაზეთ "ცხოვრების" და "ჯანმრთელობის საიდუმლოებანი" რედაქტორ–გამომცემელი. მომზადებული აქვს სამასამდე სატელევიზიო გადაცემა. მათ შორის, იყო ავტორი და წამყვანი სატელევიზიო გადაცემათა ციკლებისა "როგორია თქვენი აზრი?", "სტუდია დიალოგი", "გაუმარჯოს გულახდილობას" და სხვ. არის რამდენიმე სატელევიზიო დოკუმენტური ფილმის სცენარის ავტორი ("თბილისი", "ბაღის სამკაული", "საქართველოს კინომატიანე", "წელი 1980 და წელი 1981" და სხვ.). გამოცემული აქვს მრავალტომეულები: "საოჯახო მინი–ბიბლიოთეკა", "დეტექტივის მინი ბიბლიოთეკა", "ჯანმრთელობის ენციკლოპედია" და სხვ.

წყარო: ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.222

• საქართველოს ჟურნალისტთა ფედერაცია, წევრი (1974-)

• 1985 - საქართველოს მინისტრთა საბჭოს პრემია

• უნიკალური სამკურნალო მცენარეები (ავტორი). - თბილისი, ცხოვრება, 2006. - 240 გვ.
• საოჯახო სამედიცინო წიგნი (ავტორი). - თბილისი, ცხოვრება, 2004. - 240გვ.
• ტიბეტური მედიცინა (ავტორი). - თბილისი, ცხოვრება, 2004. - 120გვ.
• ხალხური მედიცინის ენციკლოპედია (ავტორი). - თბილისი, ცხოვრება, 2003. - 240გვ.