ოლია ფუტკარაძე

დაბადების ადგილი: დაბა ხარაგაული.

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1937 წელს.

ინსტიტუტის დამთავრების შემდეგ განაწილებული იქნა გორში ექიმ-პედიატრად. მუშაობდა სამხერხაო ქარხანასთან არსებულ სამედიცინო პუნქტში ექიმად. კითხულობდა ლექციებს გორის სამედიცინო ტექნიკუმში სპეციალიზაციით: "ბავშვთა სნეულებანი". 1954 წელს გაიარა კვალიფიკაცია თბილისის ექიმთა დახელოვნების ინსტიტუტში; მუშაობა დაიწყო გორის საავადმყოფო-პოლიკლინიკურ გაერთიანებაში ექიმ თერაპევტად, შემდეგ გორის რაიონულ საავადმყოფოს ექიმ-თერაპევტად. 1962 წელს მიენიჭა ჯერ II კატეგორიის ექიმის, შემდეგ I კატეგორიის ექიმის წოდება. 1964 წლიდან ატარებდა პრაქტიკულ მეცადინეობებს - "ავადმყოფის მოვლა" ქ. გორის ნ. ბარათაშვილის სახელობის პედაგოგიურ ინსტიტუტში.

წყარო: ხსოვნის წიგნი. ნაწილი 5/ვახტანგ ჭანკოტაძე. -თბ., 2019. -გვ.76-79

• 1971 - საქართველოს დამსახურებული ექიმი