ასლან დეკანაძე

დაბადების ადგილი: სოფელი დეკანაშვილები, ხულოს რაიონი.

დაამთავრა ბათუმის ვაჟთა პედაგოგიური სასწავლებლი; თბილისის სახელმწიფო ინსტიტუტის სამკურნალო ფაკულტეტი 1964 წელს.

სასწავლებლის დამთავრების შემდეგ მუშაობა დაიწყო ხულოს რაიონის სოფელ სხალთის სკოლის მასწავლებლად; გაწვეულ იქნა საბჭოთა არმიაში; მოეწყო საოფიცრე სასაწავლებელში, მაგრამ მძიმე ავადმყოფობის გამო ვერ შეძლო სწავლის გაგრძელება; 1965 წელს მუშაობას იწყებს ხულოს რაიონის სოფელ ზომლეთის ტუბდისპანსერში ექიმ-ფთიზიატრად, შემდეგ გადაჰყავთ ხულოს რაიონის პოლიკლინიკის ფთიზიატრად, 1966 წელს კი განყოფილების მთავარ სპეციალისტად; 1979 წელს მისი ინიციატივით აიგო თანამედროვე საავადმყოფოს კომპლექსი, შეიქმნა ტუბსაწინააღმდეგო ამცრელთა ბრიგადა, პირველად რაიონში ამოქმედდა მოძრავი ფლუროგრაფიული დანადგარი. დაჯილდოებული იყო მედლებით, მადლობებითა და სიგელებით.

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.299-300

• 1996 - ღირსების ორდენი
• აჭარის ავტონომიური რესპუბლიკის დამსახურებული ექიმი