გიორგი მესხიშვილი

დაბადების ადგილი: სოფელი ხაშმი, საგარეჯოს რაიონი.

1900-იანი წლებიდან აქტიურ მონაწილეობას იღებდა გლეხთა განმანთავისუფლებელ მოძრაობაში. მოძრაობაში მონაწილე პირებს ეხმარებოდა მატერიალურად და საორგანიზაციო საკითხების მოგვარებაში, მის სახლში მოწყობილი იყო სტამბა, სადაც არალეგალური ლიტერატურა და პროკლამაციები იბეჭდებოდა. გიორგი მესხიშვილი თითქმის სამი თვე თავის ოჯახში საკუთარი ხარჯით ინახავდა დევნილ ვანო გურულს. სოფელში კაზაკების შემოსვლასაც წინააღმდეგობას უწევდა.

წყარო: ქართველ მოღვაწეთა ლექსიკონი, 1801-1952: ტ. III მ-რ / იოსებ იმედაშვილი.-თბ.,2021.-გვ.267