შოთა სხირტლაძე

დაბადების ადგილი: ქ. თბილისი.

დაამთავრა თბილისის შოთა რუსთაველის სახელობის სახელმწიფო თეატრალური ინსტიტუტის სამსახიობო ფაკულტეტი 1962 წელს.

ინსტიტუტის დამთავრებისთანავე კოტე მარჯანიშვილის სახელმწიფო აკადემიურ თეატრში მსახიობად დაიწყო მუშაობა; პარალელურად ს. ზაქარიაძის სახელობის კულტსაგანმანხნთლებლო სასწავლებელში პედაგოგობდა; 5 წლის შემდეგ საქმიანობა თეატრალურ ინსტიტუტში, სასცენო მომრაობის კათედრაზე განაგრძო; თეატრისა და ინსტიტუტის პარალელურად მოღვაწეობდა კინოსტუდია "ქართულ ფილმში"; პირველად ეკრანზე ეპიზოდური როლით გამოჩნდა – კინოფილმ "დღე უკანასკნელი დღე პირველი", შემდგომ "ხევისბერი გოჩა"; ფილმზე მუშაობის დროს საბრძოლო და ბატალური სცენების დადგმასაც ხელმძღვანელობდა; ოცდაათამდე ფილმში აქვს მიღებული მონაწილეობა, მათ შორის "მაცი ხვიტია" და "ხევსურული ბალადა"; შ. სხირტლაძე მოძრაობის და ბატალური სცენების დამდგმელ-რეჟისორად მიწვეული იყო: სანქტ-პეტერბურგის, ანკარის, ტრაპზონის, სოხუმის, ცხინვალის და თბილისის სხვადასხვა თეატრში; 1996-2010 წლებში თურქეთის რესპუბლიკაში ქ. ანკარაში, ბილქენტის უნივერსიტეტში, მუსიკისა და სასცენო ხელოვნების ფაკულტეტზე საასცენო მოძრაობის, ფარიკაობის და ეტიკეტის პედაგოგად იყო მწვეული; თურქეთიდან დაბრუნების შემდეგ ასწავლის თბილისის შოთა რუსთაველის თეატრისა და კინოს სახელმწიფო უნივერსიტეტში. თეატრისა და კინოს სახელმწიფო უნივერსიტეტის დოქტორი.

წყარო: სასცენო მოძრაობის საფუძვლები : დამხმარე სახელმძღვანელო / შოთა სხირტლაძე.-თბ.,2014.-გვ.92; სად შოულობენ შოთა სხირტლაძე და მისი მეგობრები ფულს ჩხუბით და როგორ სძლია მან შიში სიბრაზით : ინტერვიუ / შოთა სხირტლაძე; ესაუბრა მარიკა ხიდურელი // თბილისელები.-თბილისი, 2010.-1987-569X 4-10 ოქტომბერი, N40(510).- გვ.50